O competidor de WhatsApp que está a emerxer con máis forza nos últimos meses parece ser LINE, unha aplicación xaponesa con funcións de mensaxería instantánea enriquecida co envío de vídeos e mensaxes de voz, un sistema de emoticonas enriquecido (coa posibilidade de empregar gráficos de grande tamaño coñecidos como Stickers), que permite facer chamadas de VoIP de balde a través de Wi-Fi e que incluso está dispoñible para PC e Mac, vén de superar a barreira dos 100 millóns de usuarios, aínda que sen detallar can é o uso real desta plataforma que, pese a estar aínda a moita distancia de WhatsApp, é unha alternativa que gañou moita visibilidade e que suma unha media de 3 millóns de altas á semana.
A aplicación de LINE para dispositivos móbiles ofrece unha experiencia completa en iPhone e Android, mentres que as versións para Windows Phone e BlackBerry aínda teñen limitacións (non ofrecen a posibilidade de facer chamadas de voz de balde nin de adquirir lotes de Stickers). O feito de que tamén poida empregarse dende ordenadores tamén é un punto ao seu favor, pois abre o seu uso dende a oficina ou o fogar dun xeito bastante natural, na liña doutras ferramentas de mensaxería de escritorio.
venres 18 de xaneiro do 2013, por
Fonte: Código Cero
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.