O pasado venres 16 de decembro tivo lugar no Auditorio do Concello de Pazos de Borbén entre as 12:00 e as 13:30 horas a entrega de premios do IV CERTAME DE RELATO CURTO de Pazos de Borbén no que participaron 58 escolares do CPI "Curros Enríquez" de Pazos.
Presidiu o acto o Sr. Alcalde-Presidente do Concello D. Andrés Iglesias Rodríguez e estiveron presentes a Concelleira Mª Dolores Santoro Couñago que actuaba tamén como Presidenta do Xurado, e o resto dos membros do mesmo Uxía Porritt Lueiro; Manuel González Pastoriza, Andrea Barreira Freije, Miguel Anxo Alonso Diz e José Manuel Soto Virulegio.
O acto iniciouse coa intervención do Sr. Alcalde e da Concelleira delegada e Presidenta do Xurado dirixíndose ao público reunido no auditorio agradecendo, en primeiro lugar, á Deputación Provincial de Pontevedra a súa axuda económica para levar adiante esta 4ª edición do Certame de Relatos e os obradoiros de creación literaria; e aos membros do xurado pola súa desinteresada colaboración na organización e desenrolo deste certame, polo seu excelente e difícil traballo na valoración dos relatos presentados; por estar hoxe en Pazos de Borbén neste acto de entrega de premios e por apoiar iniciativas como esta.
Tamén comentaron que a presentación dun total de 58 traballos nas distintas categorías anima ao concello para realizar outra nova edición para o próximo ano.
Agradeceron ademais a Andrea Barreira Freije e Miguel Anxo Alonso Diz a súa labor polos resultados conseguidos despois de ter impartido meses atrás os obradoiros de creación literaria a todo o alumnado de primaria e de secundaria do CPI “Curros Enríquez” de Pazos.
Unha vez finalizadas as intervencións do Sr. Alcalde e da Concelleira delegada, interveu a membro do xurado Uxía Porritt Lueiro para agradecer o esforzo realizado pola organización do certame, por convidalos a formar parte do xurado e tamén quixo destacar o esforzo do alumnado manifestando que o xurado, ademais da gramática e a ortografía, tivo tamén en conta á hora de valorar os traballos outros aspectos como a imaxinación; a construción coherente das historias; a capacidade de resolver conflitos e de construír mundos de colaboración; o manexo dos diálogos; a capacidade de identificarse co protagonista e de narrar de xeito natural a crueza da vida; a conciencia á hora de protexer a natureza e o medio ambiente; pola recuperación de historias e lendas locais; ademais de moitas máis que nos levaría moito tempo detallar.
Manifestou tamén que os membros do xurado coincidiron en valorar o bo nivel en xeral que presentaron os traballos, así como a meritoria e destacable labor que desenrolaron pais, nais, titores e profesores do alumnado participante, para documentar, dirixir e canalizar debidamente os seus relatos; aos que tamén lles deron as grazas por axudar aos escolares nesta ardua labor creativa.
Finalmente animou aos escolares a seguir participando en próximas edicións e noutros certames literarios, e a seguir lendo e escribindo moito; sobre todo en lingua galega; aproveitando a ocasión para estender as súas felicitacións a todos eles e, en especial, aos premiados.
 |
| Gañadores e participantes do IV Certame de Relato Curto cos membros do xurado e o Sr. Alcalde |
Unha vez finalizadas as intervencións procedeuse á lectura da relación dos galardoados neste IV Certame e á entrega dos premios aos seleccionados polo xurado:
CATEGORÍA A: 1º E 2º DE PRIMARIA:
 |
| O Alcalde Andrés Iglesias entrega o 1º premio da Categoría A a Daniela Amoedo Cendón |
O primeiro e único premio da categoría A correspondeu ao traballo presentado baixo o título “TODOS SOMOS IGUAIS” e o pseudónimo de “ELENA”, presentado por DANIELA AMOEDO CENDÓN, de 7 anos, estudante de 2º de primaria.
Nesta categoría non se presentaron máis relatos.
CATEGORÍA B: 3º E 4º DE PRIMARIA:
 |
| Gañadores e premiados das categorías A e B |
Na categoría B o primeiro premio correspondeu ao traballo titulado “PAN DO PANADEIRO QUE PODE CURAR Á XENTE” baixo o pseudónimo de “PANADEIRO” presentado por XOÁN PINTOS MERINO, de 9 anos, estudante de 4º de primaria.
 |
| Xoán Pintos Merino recolle o premio de mans da Concelleira Mª Dolores Santoro Couñago |
O segundo premio foi outorgado ao traballo presentado por ABEL FERREIRA MARTÍNEZ, de 8 anos, estudante de 3º de primaria, baixo o título “A LENDA DE SAN SATURNIÑO” e o pseudónimo de “SAL”.
 |
| Andrea Barreira Freije entrega o 2º premio da categoría B a Abel Ferreira Martínez |
Ademais o xurado considerou premiar con accésits nesta categoría B aos traballos seguintes:
Traballo titulado “A FADIÑA IRIS” e o pseudónimo de “HADIÑA” presentado por NOA FRAGUEIRO DOMÍNGUEZ, de 8 anos, estudante de 3º de primaria.
 |
| Noa Fragueiro Domínguez recolle o premio entregado por Miguel Anxo Alonso Diz |
Traballo titulado “A AVOA E O GRILO” e o pseudónimo de “CRISTIANO” presentado por ASIER DA SILVA JUAN, de 8 anos, estudante de 3º de primaria.
 |
| Asier Da Silva Juan recolle o premio entregado por Manuel González Pastoriza |
Traballo titulado “NA NOITE MÁXICA DE SAN XOÁN” e o pseudónimo de “SONITO” presentado por MARTÍN BAO GARRIDO, de 8 anos, estudante de 3º de primaria.
 |
| Uxía Porritt Lueiro entrega o premio a Martín Bao Garrido |
Traballo titulado “O COLEXIO ENCANTADO” e o pseudónimo de “SNOPPY” presentado por CLAUDIA RODRÍGUEZ IGLESIAS, de 9 anos, estudante de 4º de primaria.
 |
| Claudia Rodríguez Iglesias recibe o premio da man de Manuel González Pastoriza |
Traballo titulado “A OVELLA MÁXICA” e o pseudónimo de “PILOTO DE AVIÓN” presentado por LEO COUÑAGO SOMOZA, de 9 anos, estudante de 4º de primaria.
 |
| Leo Couñago Somoza recolle o premio entregado por Miguel Anxo Alonso Diz |
Traballo titulado “A NENA QUE QUERÍA SER BRUXA” e o pseudónimo de “NOA POLAR” presentado por NOA CERNADAS EIJO, de 9 anos, estudante de 4º de primaria.
 |
| Noa Cernadas Eijo recolle o seu premio de mans da Concelleira Mª Dolores Santoro Couñago |
Unha vez entregados o primeiro e segundo premio e os accésits chamouse un por un ao resto de participantes non premiados nesta categoría para entregarlles a cada un deles o Diploma acreditativo da súa participación neste certame e un libro de agasallo.
Ademáis entregouse tamén uns lotes de libros para as aulas de 3º e 4º de Primaria que foron recollidos polas respectivas mestras.
CATEGORÍA C: 5º E 6º DE PRIMARIA:
 |
| Gañadores e participantes da Categoría C co Sr. Alcalde e os membros do xurado |
Continuamos coa entrega dos premiados na categoría C e o primeiro premio correspondeulle ao traballo titulado “LENDA DA GUERRA” e o pseudónimo de “MIÑA NENIÑA” presentado por CAYETANA ARÁN FIGUEIRA, de 11 anos, estudante de 6º de primaria.
 |
| Entregalle o premio a Cayetana Aran Figueira a membro do xurado Uxía Porritt Lueiro |
O segundo premio foi para o traballo titulado “OLLO COA NOITE QUE” e o pseudónimo de “DINOSAURIO” presentado por ROI MÍGUEZ COMESAÑA, de 11 anos, estudante de 6º de primaria.
 |
| Roi Míguez Comesaña recolle o premio da man do Sr. Alcalde Andrés Iglesias Rodríguez |
Nesta Categoría C o xurado considerou premiar con accésits aos traballos seguintes:
Ao titulado como “O MONTE TENXIÑAS” e o pseudónimo de “MATTRREX” presentado por MARTÍN DOMÍNGUEZ COSTAS, de 11 anos, estudante de 6º de primaria.
 |
| Martín Domínguez Costas recolle o seu premio entregado por Manuel González Pastoriza |
Ao traballo titiulado “A HISTORIA CONTADA POLA MIÑA AVOA” e o pseudónimo de “KIMBERLY MI PATRONA” presentado por HUGO TORRES MÍGUEZ, de 11 anos, estudante de 6º de primaria.
 |
| Hugo Torres Míguez recibe o premio que lle entrega Uxía Porritt Lueiro |
Ao traballo titiulado“NON IMPORTAN AS TÚAS CONDICIÓNS, NUNCA DEIXES DE PERSEGUIR OS TEUS SOÑOS” e o pseudónimo de “ALVARO DEL VALLE” presentado por ROI RIVAS RODRÍGUEZ, de 10 anos, estudante de 5º de primaria.
 |
| A Concelleira Mª Dolores Santoro Couñago entrega o premio a Roi Rivas Rodríguez |
Ao traballo titulado “A HISTORIA DA CAMPÁ DA IGREXA DO MOSTEIRO” e o pseudónimo de “VIVA ER BETIS” presentado por DANIEL CERNADAS BESADÍO, de 11 anos, estudante de 6º de primaria.
 |
| Daniel Cernadas Besadío recolle o premio que lle entrega Miguel Anxo Alonso Diz |
Ao traballo titulado “MIÑA BISAVOA DICÍA...” e o pseudónimo de “GERARD PIQUÉ” presentado por MELISA BOUZA MÍGUEZ, de 11 anos, estudante de 6º de primaria.
 |
| Melisa Bouza Míguez recolle o seu premio entregado por Andrea Barreira Freije |
Ao final da lectura dos premiados desta categoría foise chamando ao resto de participantes non premiados nesta categoría para entregarlles o Diploma acreditativo da súa participación neste certame e un libro de agasallo.
Entregouse tamén un lote de libros para a aula de 6º de Primaria.
CATEGORÍA D: 1º E 2º DE ESO:
De seguido tocoulle a quenda á entrega dos premios da Categoría D e o primeiro premio correspondeulle ao traballo titulado “ÁS VECES NON VAI TODO TAN BEN COMO SE CONTA” e o pseudónimo de “MEGAN MILLER” presentado por PAULA RIVAS RODRÍGUEZ, de 13 anos, estudante de 2º de ESO.
 |
| Paula Rivas Rodríguez recolle o premio entregado por Manuel González Pastoriza |
O segundo premio correspondeulle ao traballo titulado “A NOVIDADE DE LUCA” e o pseudónimo de “ALBA” presentado por ALDARA BUJÁN COMESAÑA, de 13 anos, estudante de 2º de ESO.
 |
| Andrea Barreira Freije entrega o premio a Aldara Buján Comesaña |
O xurado considerou premiar con accésit nesta Categoría D aos traballos seguintes:
Ao traballo titulado “HABITACIÓNS” e o pseudónimo de “IRLANDESA” presentado por IRIS GONZÁLEZ RODRÍGUEZ, de 12 anos, estudante de 1º de ESO.
 |
| Uxía Porritt Lueiro entrega o premio a Iris González Rodríguez |
Ao traballo titulado “ATRAPADA NO LABORATORIO” e o pseudónimo de “ALEXNA” presentado por ANXELA DOMÍNGUEZ ÁLVAREZ, de 12 anos, estudante de 1º de ESO.
 |
| Ánxela Domínguez Álvarez recolle o premio que lle entrega Miguel Anxo Alonso Diz |
Ao traballo titulado “DOBRE CARA” e o pseudónimo de “MADMAX 0204” presentado por CARLOTA PINTADO ALONSO, de 12 anos, estudante de 1º de ESO.
 |
| Carlota Pintado Alonso recolle o premio entregado pola Concelleira Mª Dolores Santoro Couñago |
Como nas anteriores categorías finalizada a lectura dos premiados chamouse ao resto de participantes non premiados nesta categoría para entregarlles o Diploma acreditativo da súa participación no certame e un libro de agasallo.
Entregouse tamén un lote de libros para a aula de 1º de ESO.
 |
| Gañadores e premiados Categorías D e E co Sr. Alcalde o membros do Xurado |
CATEGORÍA E: 3º E 4º DE ESO:
E nesta Categoría E o xurado acordou declarar desertos os primeiro e segundos premios e premiar cun accésit ao seguinte traballo:
O titulado “AMIGOS OU INIMIGOS?” e o pseudónimo de “PAULETTE” presentado por PAULA BOUZÓN MARTÍNEZ, de 14 anos, estudante de 3º de ESO.
 |
| Manuel González Pastoriza entrega o premio a Paula Bouzón Martínez |
E finalizada a lectura dos premiados nesta categoría chamouse un por un ao resto de participantes non premiados nesta categoría para entregarlles o Diploma acreditativo da súa participación no certame e un libro de agasallo.
Comentar que todos os participantes non premiados recibiron un diploma acreditativo da súa participación neste certame e un libro de agasallo.
Aos premiados con accésits se lles entregou un diploma acreditativo e dous libros de agasallo.
Os premiados co 1º premio recibiron tamén un diploma acreditativo, e os premios que figuran nas bases: un libro electrónico e un lote de seis libros.
E por último, os premiados co 2º premio recibiron un diploma acreditativo e tamén un lote de seis libros.
Ademais este ano, por segunda vez, e para fomentar a lectura na nosa lingua e o traballo cooperativo na aula, entregouse un lote de libros a cada aula do colexio que presentou máis de catro participantes a este certame e que foron recibidos polos mestres e mestras correspondentes.
 |
| O Sr. Alcalde e os membros do xurado cos mestres e mestras agasallados con lotes de libros para as aulas |
En próximas datas iremos publicando todos os traballos premiados no blog e nas redes sociais da biblioteca.
Felicitar a todos os premiados e participantes non premiados neste IV Certame de Relato Curto de Pazos de Borbén e animar a todo o alumnado a presentarse na próxima edición.
E por último desexarlle a toda a veciñanze FELICES FESTAS DE NADAL e que o ano 2023 veña cheo de alegría, de felicidade, de paz e de moitas lecturas.
Ata a próxima edición.
EN BIBLIOPAZOS SEGUIMOS TRABALLANDO POLA EDUCACIÓN E A CULTURA.
