Festival Internacional de Títeres de Redondela 2012 (Do 14 ao 20 de Maio)

De novo as rúas, prazas e xardíns redondeláns servirán de escenario para artistas, músicos e titiriteiros das máis variadas procedencias. A organización do evento, compartida pola ASOCIACIÓN XENTE TITIRITEIRA e a Concellería de Cultura do Concello de Redondela, mantén a vocación internacional do FESTIVAL, presentando, nesta ocasión, os traballos e espectáculos de compañías profesionais do Reino Unido, Bulgaria, Dinamarca, Murcia, Cantabria, Madrid Cataluña e Galicia (entre outras). Unha festa da diversidade que encherá de novo Redondela de marionetas de fíos, monicreques tradicionais, vangardas creativas, xogos participativos, animación de rúa e unha chea de sorpresas. Seguindo a filosofía do seu creador, Juanjo Amoedo, o FESTIVAL continúa na liña de involucrar na súa celebración a maior cantidade posible de institucións, de sectores sociais e de xentes da vila, para manter este acontecemento como a maior manifestación cultural de Redondela... máis información

Segue o festival no Facebook

Dia das letras Galegas 2012

O día 17 de maio de 2012 celébrase o Día das Letras Galegas que este ano está adicado a Valentín Paz Andrade (Lérez, Pontevedra, 1899 - Vigo 1987), avogado, xornalista, poeta, home de empresa e persoa vinculada á política galeguista, personalidade multifacética.

Nos seguintes enlaces atoparás máis información:

 

Biografía de Valentín Paz Andrade

Programación Xunta de Galicia

Historia do Día das Letras Galegas

 

Entra no seguinte enlace e realiza estas actividades para resolver en liña.

 

Se queres saber moito máis via á recopilación de recursos sobre Valentín Paz Andrade.

 

Algúns destes enlaces foron obtidos da páxina web do CEIP Nosa Sra. de Xuvencos:

Preme aquí...

Dia Mundial do Libro e Dos Dereitos de Autor 2012 - UNESCO

Mensaxe da Directora Xeral da UNESCO, Irina Bokova, con motivo do Día Mundial do Libro e dos Dereitos de Autor

23 de abril de 2012

Para ler a mensaxe clica na imaxe

23 de Abril, Dia Internacional del Libro 2012

Calquera día e bó para agasallar cun libro, pero hoxe e un día especial.

Ereván (ARMENIA) Capital Mundial do Libro 2012

A cidade de Ereván (Armenia) foi designada Capital Mundial do Libro para o ano 2012 trala reunión celebrada, en París, do comité de selección composto por representantes das tres principais asociacións internacionais do sector do libro e da edición así como da UNESCO.

Ler máis...

Dia do libro, 23 de Abril. Un pouco de Historia

Si queres saber máis sobre o Día Internacional do Libro, pincha no seguinte enlace:

Orixe do Dia Internacional do Libro

O "Bookcrossing´ convírtese na estrela dos actos do Día Internacional do Libro 2012

O Bookcrossing convírtese na estrela dos actos con motivo do Día Internacional do Libro.

O pasado venres os Alumnos de 3º e 4º da ESO do Centro Público Integrado "Curros Enríquez" de Pazos de Borbén rexistraron uns 30 libros que serán liberados en distintos puntos do municipio o próximo luns día 23 de abril, data na que se celebra o "Día Internacional do Libro".

Ver noticias nos seguintes enlaces:

A Xunta, Novagalicia e o Marco únense ao "bookcrossing" con motivo do Día Internacional do Libro"

Museo de Navarra...

BOOKCROSSING cos alumnos de ESO

Os alumnos de 3º e 4º da ESO Centro Público Integrado “Curros Enríquez” de Pazos realizarán o día 20 de abril na Aula Informática do colexio un novo Obradoiro de BookCrossing para conmemorar a celebración do “Día Internacional do Libro” o día 23 de abril, data na que serán liberados os libros rexistrados neste obradoiro.

No mesmo aprenderán a rexistrarse na páxina web www.bookcrossing.com como usuarios e tamén a facelo cos seus libros, a etiquetalos e a liberalos para o disfrute doutros usuarios e dos veciños en xeral.

 

Os Obradoiros serán impartidos por persoal do Centro Antena - Biblioteca Pública Municipal do Concello de Pazos de Borbén, e o Concello aportará gratuitamente os materiais necesarios para etiquetar e liberar os libros.

 

Dende a o Centro Antena e Biblioteca Pública Municipal do Concello de Pazos de Borbén e dende o CPI “Curros Enríquez” de Pazos faise un chamamento aos veciños para que se animen a participar desta actividade de ANIMACIÓN Á LECTURA durante todo este mes no que se celebrou a conmemoración do “Día Internacional do Libro Infantil e Xuvenil” o día 2 de abril e no que se conmemorará o “Día Internacional do Libro” o próximo luns día 23, e os convocan a acudir á Biblioteca Pública para informarse sobre cómo levar a cabo esta actividade.

 

Con este novo obradoiro o Concello de Pazos de Borbén convírtese deste xeito no municipio da provincia de Pontevedra con maior número de exemplares de libros liberados por esta modalidade de Bookcrossing.

 

Os veciños poderán “cazar” os libros liberados entrando na web www.bookcrossing.com para localizados, ou tamén acudindo aos lugares sinalados de liberación: a Casa do Concello, o Colexio Curros Enríquez e a Biblioteca Pública Municipal en Pazos; o Centro Cultural e Recreativo en Moscoso: a Casa do Pensionista en Amoedo; e o Centro Cultural en Nespereira.

Obradoiros de Bookcrossing

Os alumnos de 1º da ESO e 6º de PRIMARIA do Centro Público Integrado “Curros Enríquez” de Pazos liberaron 95 libros nos obradoiros de “Bookcrossing” realizados os días 28 e 30 de marzo na Aula Informática da Biblioteca Pública Municipal do Concello de Pazos de Borbén con motivo da celebración do “Día Internacional do Libro Infantil e Xuvenil”.



Alumnos 6º primaria

 

Despois de ter rexistrados na páxina web http://www.bookcrossing.com/ todos os libros, estes foron etiquetados e distribuídos polas zonas de cruce por todo o concello.

 

Finalmente, nas zonas de cruce, puxéronse a disposición dos usuarios 23 libros no Centro Público Integrado “Curros Enríquez”, 12 na Biblioteca Pública Municipal, e 10 na Casa do Concello, na parroquia de Pazos.

 

Na parroquia de Amoedo entregáronse 11 exemplares na Casa do Pensionista; no Centro Recreativo Cultural da parroquia de Moscoso foron liberados 18 libros; e na Casa da Cultura da parroquia de Nespereira distribuíronse 21 libros.

 

Dende o Concello, a Biblioteca Pública Municipal, o CPI de Pazos e todas as asociacións participantes anímase aos veciños e veciñas a participar desta interesante actividade de animación á lectura durante todo o mes de abril no que tamén se conmemorará o próximo día 23 o “Día Internacional do Libro”.

 

Na Biblioteca Pública Municipal disponse de etiquetas, que serán entregadas gratuitamente a todos aqueles que o soliciten e veñan con algún libro rexistrado na web http://www.bookcrossing.com/ e co seu código correspondente.

 

Con esta actividade o Concello de Pazos convírtese no municipio da provincia de Pontevedra onde mais exemplares foron liberados por esta modalidade de Bookcrossing, superando a concellos como os de Vilagarcía de Arousa, Pontevedra, Poio, Marín e Vigo.

 

Ademais a nivel de toda España este número de exemplares soamente son superados nas provincias de Barcelona, Illas Baleares, Illas Canarias, Madrid, Ourense, Sevilla e Zaragoza.

BOOKCROSSING en Pazos

Recordámosvos que xa tedes 95 libros liberados nos lugares previstos.

 

Centro Cultural de Nespereira.

Casa do Pensionista de Amoedo.

Centro Recreativo e Cultural de Moscoso.

Casa do Concello.

Centro Público Integrado "Curros Enríquez".

Biblioteca Pública Municipal (Antigo Concello).

Canto atopedes un libro liberado insertar o seu código BCID en calquera das seguintes páxinas web:

http://www.bookcrossing.com/

http://www.bookcrossing-spain.com/

http://www.bookcrossing.es/

Gozar da lectura, facer os vosos comentarios, e liberar de novo os libros para que outras persoas poidan tamén gozar deles.

Saúdos.

Dia Internacional do Libro Infantil e Xuvenil

 

Hoxe, 2 de abril, celébrase en todo o Mundo o Día Internacional do Libro Infantil e Xuvenil

Para saber máis, clica na imaxe 

En abril libros mil

Con motivo da celebración do Día Internacional do Libro Infantil e Xuvenil (2 de abril) e do Día Mundial do Libro (23 de abril), o "Centro Internacional del Libro Infantil y Juvenil" programou diversas actividades relacionadas co libro e a lectura, dirixidas a usuarios de todas as idades.

 

Para máis información pincha na imaxe

 

 

Libera os teus libros

A Biblioteca organiza con motivo da celebración en todo o mundo o día 2 de abril do “Día Internacional do Libro Infantil e Xuvenil” varios talleres de “Bookcrossing”.

Uns 40 alumnos de 1º de ESO e de 6ª de PRIMARIA participarán desta actividade os día 28 e 30 de marzo no Aula Informática da Biblioteca Pública Municipal sita en Pazos nº 1.

Os actos están promovidos pola Asociación Galega do Libro Infantil e Xuvenil (GALIX) e pola Organización Española para o Libro Infantil e Xuvenil (OEPLI).

A Biblioteca Pública e o Centro Público Integrado “Curros Enríquez” de Pazos convidarán aos alumnos participantes a difundir a mensaxe do escritor Francisco Hinojosa e o cartel de Juan Gedovius que este ano preparou a sección de México do IBBY (Junta Internacional de Libros para Jóvenes).

Os obradoiros que terán una duración de 45 minutos cada un deles consistirán na explicación de que é o bookcrossing, qué obxectivos ten e cómo se realiza, así como da práctica da real actividade (recollida de libros de literatura infantil e xuvenil, preparación dos materiais necesarios para etiquetalos, rexistro dos libros na web, e a súa liberación pol@s nen@s en distintas zonas da localidade para que a veciñanza poida ter acceso a eles libremente.

As zonas de liberación serán as seguintes: 

-Biblioteca Pública Municipal.
-A Casa do Concello, e
-O Centro Público Integrado “Curros Enríquez” na parroquia de Pazos.
-O Centro Recreativo e Cultural en Moscoso.
-A Casa do Pensionista en Amoedo.
-O Centro Cultural en Nespereira.

As persoas que “cacen” e lean os libros liberados, deberán poñelos de novo en liberdade, e para elo poden escribir na páxina http://www.bookcrossing.com/ o código que o libro levará escrito na etiqueta. Por exemplo, así: www.bookcrossing.com/722-10448278 poderán coñecer o diario de viaxe de cada libro liberado.

 LIBROS LIBRES

De balde

É Divertido

¡Próbao HOXE!

Fai do mundo unha Biblioteca...!

Empezando aquí mesmo!

Si queres que os libros que non vas conservar teñan unha vida mais alá das túas estanterías ou da planta de reciclaxe de papel, deixa aquí os teus exemplares e nos encargaremos de liberalos para que alguén os atope, os lea e os pase de novo a outras persoas.

Cando alguén atopa un libro rexistrado e o comunica na web, se recibe unha notificación por correo electrónico.

Podes seguir os pasos dos teus libros por todo o mundo, e as vidas que tocan, para sempre!

Visítanos a miúdo, porque este é o sitio axeitado para levar ou deixar un libro!

Feliz Nadal

A todos os nosos amigos, colegas, usuari@s, veciñ@s..., o personal da Biblioteca Pública Municipal - Centro Antena de Pazos de Borbén, vos envía un afectuoso saúdo de nadal desexando que no ano novo Deus derrame sobre cada un de vos moita Paz, Amor e Felicidade.

 

 

 

Feliz Nadal e Próspero 2012



Fotos Actividades 2011

Actividades Mayo 2011

Estimados amig@s,

Durante o mes de maio temos prevista a realización de diversas actividades relacionadas co Día das Letras Galegas.

Os días 12, 18 19 e 20 terán lugar as mesmas nas instalacións da Biblioteca e podedes obter máis información sobre elas pinchando no cartel adxunto.

Contamos coa colaboración do Centro Público Integrado "Curros Enríquez" de Pazos sen a que sería moi dificil levar a cabo estas actividades.

Pasaremos uns ratos moi agradables

¡Participa! Son de balde.

Estreamos o noso Blog

Hoxe temos boas novas.

A Biblioteca Pública Municipal do Concello inaugura o seu blog a través do que compartiremos moitos momentos de lectura, aventuras, actividades, emocións, etc.

O persoal queremos darvos a benvida a todos e invitarvos a utilizar este novo recurso tecnolóxico, desexando que serva de canle de comunicación para estar máis preto día a día e poder prestar un servizo máis eficaz.

Se aínda non eres usuario da biblioteca invitámoste a participar deste blog e a inscribirte como socio. Temos moitas cousas para tí.

É gratuíto. ¡Anímate!

¡Visítanos! Estamos no edificio antigo do concello.
 

Contamos coa vosa participación.

Saúdos.