E para este mes de medo, meigas, vampiros..., lecturas terroríficas para os cativos da casa

E para este mes de medo, meigas, vampiros..., lecturas terroríficas para os cativos da casa

NOVEDADES DE LECTURA PARA LOS PEQUES

NOVEDADES DE LECTURA PARA LOS PEQUES

NOVEDADES DE LECTURA PARA ADULTOS

NOVEDADES DE LECTURA PARA ADULTOS

martes, 2 de abril de 2013

O vello das pombas - LITERATURA XUVENIL

O vello das pombas
Luís Iglesias de Souza

Col. Punto de encontro. Everest Galicia
A Coruña, 1997
Literatura Xuvenil 

Ábrese este volume cun artigo de Luis Blanco Vila, secretario do xurado do Premio Internacional "Vieira de Humor", no que ademais de facer certas referencias sobre dito premio, tamén realiza un comentario sobre o relato "O vello das pombas". A continuación ofrécense os seguintes relatos.

"O vello das pombas" é a composición coa que Luís Iglesias de Souza obtivo o Premio Internacional "Vieira de Humor" na súa segunda edición, ademais de ser a que lle dá nome a este libro. Conta a tenra historia de Xan o Virolas, que vendo as miserias que padecen a cotío os seus netiños, decide darlle morte a unhas pombas para poder alimentalos.

 "A Filla da Lúa" relata cómo unha fada das boas se namora dun mozo humano e logra, gracias á axuda da súa avoa, poder conseguir o seu amor.

"A casa do trasmundo" narra o sucedido a un pequeno rapaz, que levado á loucura por medio das arguicas da súa nai e do seu amante, decidirá rematar coa súa vida.

"Estas son as cartas dun romántico amor imposible" presenta o cruzamento dunha serie de cartas entre un home e unha muller, a cal chegará a concederlle unha cita, logo da continua insistencia del.

"Bieito e o raposo" narra o acontecido a Bieito cando se atopa cun golpe con capacidade para falar, que tras darlle morte logo de pedirllo o animal, regalaralle o seu pelello con propiedades máxicas.

"Historia do famoso cazador que se chamaba Heriberto" relata cómo este vai facendo gala dos seus cinco últimos trofeos de caza. O último deles, presentado con certa retranca, é unha peza íntima feminina.

"Tres cartas a unha amendoeira" mostra tres misivas familiares que falan dunha amendoeira, que provocara grande dor e tristura a certos membros desa familia.

"Retratos de esguello" presenta unha parodia satírica dunha serie de personaxes como son o inspector do fisco, o nomeado crítico de arte, o médico novo e o señor xuíz. 

88 páx.
21 x 13 cm.
ISBN 84-403-0138-3

Fonte: BLIX
FAITE SOCIO DA BIBLIOTECA
E
LÉVAO PARA LER NA TÚA CASA
 

Acuarelas - LITERATURA INFANTIL

Acuarelas
Rafa Villar
Ilustracións de Kristina Sabaite
Col. Árbore, 158. Ed. Galaxia. Vigo, 2009
A partir de  8 anos 

Con grande variedade formal xogando coa rima, o verso libre ou a prosa poética achégase este libro de poemas ao universo infantil. Mesmo contando historias fantásticas cal o circo das marabillas cos seus pallasos e a súa maxia, mentres vira a terra arredor do larpeiro sol e as estrelas esfarélanse na noite. Por iso, a estrela de mar varou na praia e trae unha chave enferruxada que abre un cofre dun barco que naufragou, que será da voz poética cando lle regalen polo seu aniversario un traxe de mergullador. O vendedor de globos está amolado porque ningún deles quería que o inchasen demasiado, xa que, segundo un meigo de encantamentos, por cousa da moda teñen medo de engordar. Unha pantasma mirrada, feúcha e con asma, sempre fracasa no seu intento de asustar nenos, e todos se rin dela. O vello pirata inglés di ter agochado un tesouro que non ten. O centolo repróchalle ao longueirón que entrase na súa casa. O torpe robot charlot vai algo enferruxado e vello. Os globos son, segundo a cor, espelidos, lambóns ou presumidos. Pero o zoo deambulante é un trapalleiro que non ten nada con xeito.

Hai pontes poéticas cara á literatura de autor ou tradicional sen que falte un recitado dialogado do touporroutou: o lobo quéixase de que os contos que falan deles non din a verdade da súa triste sorte; os soños na gaiola son ás de bolboreta na voz do poeta; os personaxes de contos clásicos son eles sós son un poema. Porque seica os contos que se contan no adro da noite escorrentan monstros e pantasmas.

E non falta a presentación do mundo propio da voz poética, que non quere ser nin futbolista nin doutor: só quere ser pirata. Na querida cidade de avenidas longuísimas e semáforos de cores, a súa casa ten chaves escondidas e un segredo do tempo dos avós. Na bocanoite debúxanse no seu cuarto sombras que arrolan o sono e ás veces outras que dan medo, e soña con crocodilos xigantes que un día pintou con ceras e cando non os soña chegan e pídenlle acubillo na noite. E ao espertar as mañás saben a lagañas prendidas nos ollos no bus camiño da escola, cando el quere pisar coas botas novas as pozas camiño da escola. O patio da escola é como o oasis do deserto ou unha festa de aniversario e, aínda que ten unha reixa que non deixa liscar ao mundo de fóra, nel a escola cambia de cor, como cambia o triste encerado. que estoura en mil cores coas palabras paz, luz ou sol. Porque tamén sabe ser solidario e tíralles pedras aos avións de guerra e mandaríalles os seus xoguetes aos nenos vítimas dese tsunami que din na tele.

Sabe quen é: "Eu non son yo, que sei quen son". Tal o Sinbad que soña co mar e non se conforma cun tren de plástico. 

68 páx.
20 x 13 cm.
ISBN 978-84-9865-159-1

Fonte: BLIX
FAITE SOCIO DA BIBLIOTECA
E
LÉVAO PARA LER NA TÚA CASA

BUSCAR NO BLOG


gadgets para blogger