PROGRAMACIÓN DE ACTIVIDADES DE ANIMACIÓN Á LECTURA SETEMBRO-OUTUBRO 2021

Ola de novo veciños e veciñas de Pazos de Borbén; seguidoras/es, usuarias/os e socias/os da Biblioteca Pública Municipal "BIBLIOPAZOS".

Volvemos a retomar as actividades de animación á lectura despois do período vacacional cunha serie de actividades para público infantil e mozo coas que queremos contribuír a animar un pouco esta época de pandemia que non da rematado.

O noso obxectivo é seguir promocionando a educación e a cultura, pero sobre todo, animar á lectura a nenos/as, mozos/as e adultos de todas as idades xa que ésta é un vehículo de enriquecemento e de aproveitamento persoal que debemos aproveitar toda vez que é un servizo gratuito prestado polo concello.

BIBLIOPAZOS segue ofrecendo espazos de encontro para descubrir, compartir e achegar á cidadanía á lectura e á información dun xeito divertido e ameno.

As próximas actividades que presentamos para os vindeiras semanas atópanse incluídas no programa de dinamización da lectura LER CONTA MOITO que promove a Secretaría Xeral de Cultura da Consellería de Cultura, Educación e Universidade da Xunta de Galicia a través da Rede de Bibliotecas Públicas de Galicia, en colaboración cos concellos e coas súas bibliotecas.

As actividades as realizaremos no AUDITORIO DO CONCELLO, debido a obriga que temos de gardar os protocolos para cumprir con todas as medidas de seguridade para a prevención do COVID-19, sendo obrigatorio ao acceder ao recindo o uso de máscara, a desinfección das mans e o mantemento da distancia social para aqueles grupos non considerados "grupos burbulla" ou non convivintes.

LER CONTA MOITO ten como obxectivo xeral animar á lectura a través dunha programación de actividades atractivas, vinculadas aos intereses dos distintos colectivos, que faciliten o achegamento aos espazos bibliotecarios. Con este programa preténdese:

• Fomentar o hábito da lectura no conxunto da poboación.
• Fortalecer o papel das bibliotecas como espazo de relación, aberto e participativo, e como axente facilitador da aprendizaxe permanente e da descuberta de novos temas e inquedanzas sociais.
• Consolidar a programación compartida da Rede de Bibliotecas Públicas de Galicia, coa renovación permanente de propostas atractivas e de calidade.
• Promover o desenvolvemento cultural como vehículo para o crecemento persoal e colectivo.
• Valorar o libro e, en xeral, a lectura como elemento de transmisión de coñecemento e de reflexión.

IMPORTANTE:

PARA ASISTIR A ESTAS ACTIVIDADES É OBRIGATORIA A INSCRICIÓN PREVIA NA BIBLIOTECA CHAMANDO AO TELÉFONO 986 497 273.

Para calquera información sobre esta programación podedes contactar coa Biblioteca por teléfono chamando ao número 986 497 273 ou por email biblioteca@pazosdeborben.org no noso horario habitual de apertura.

PARTICIPADE NAS ACTIVIDADES DE BIBLIOPAZOS

E NON VOS ESQUEZADES!

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.