TODO O MUNDO! A VIDA TEN MOITAS CORES
Autora: Anja Tuckerman
Ilustradora: Tine Schulz
Edita: Hércules de Ediciones
Colección: Preparados, listos, xa...!
Xénero: Literatura Infantil en Galego - Educación
Idade recomendada: +6 anos
De onde ven a túa familia e como chegou ata aqui?
Cal é a túa festa preferida?
A que che gusta xogar e en que lingua cantas as túas cancións favoritas?
As nenas e nenos deste libro veñen de todas as partes do mundo.
Algúns acaban de chegar. Outros naceron aquí, aínda que a súa familia non.
Agora vivimos todos xuntos.
Isto pode ser fascinante e divertido, e, ás veces tamén un pouco difícil.
Pero unha cousa é segura: quén ten curiosidade, sempre gaña!
Un libro alegre e esclarecedor sobre a riqueza da convivencia.
Todas as persoas descendemos dos nosos antepasados en África e, por tanto, somos o froito de múltiples movementos migratorios. Desde sempre os seres humanos víronse empuxados a trasladarse por motivos moi diferentes: desde o desexo de coñecer novos lugares, por amor, para compartir saberes ou habilidades ou para fuxir da fame, a guerra ou a persecución. Así se foron formando as diferentes culturas e así se foron constituíndo as nosas sociedades multiculturais actuais.
As nenas e nenos deste libro proceden de todas as partes do mundo e falan diferentes linguas, pero todos viven agora en Galicia. Algúns acaban de chegar, outros naceron aquí.
A diversidade cultural pode ser moi enriquecedora, pero ás veces tamén é fonte de problemas orixinados polo descoñecemento e os prexuízos. E é por iso que, para asegurar unha boa convivencia, non hai nada mellor que coñecer cos nosos fillos os nosos veciños e veciñas, tal e como proponemos neste libro.
ISBN:978-84-947023-4-1
Nº de páxinas: 40
Encadernación: Tapa dura
Formato: 22 x 30 cm.
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.