3º CICLO DE TRADICIÓN ORAL "FALAR POR FALAR"

3º CICLO DE TRADICIÓN ORAL "FALAR POR FALAR"
Tódolos venres de Novembro no Auditorio do Concello

domingo, 22 de abril de 2018

ENREDANDO CON PAKOLAS - Actividade de Dinamización Lingüística

FalaRedes, o programa de dinamización do galego da Secretaría Xeral de Política Lingüística para os concellos da Rede de Dinamización Lingüística trae a Pazos de Borbén unha nova actividade de dinamización lingüística da man do músico infantil Pakolas, Paco Cerdeira, unha actividade musical dirixida a cativos de 4 a 9 anos e ás súas familias.


Un concerto no que os protagonistas serán os nenos e nenas, aos que se convida a participar cantando, bailando e falando. Coñecerán as historias de Baldomero o mero, do parrulo McPac, do rato de Xaquín... e de moitos outros animais da man do músico infantil Pakolas, Paco Cerdeira, que presenta neste concerto o seu primeiro traballo en solitario, tras o seu paso polas formacións Mamá Cabra e Gramola Gominola, da que é fundador e integrante.

https://www.dropbox.com/s/g1fsmth03nexpxs/06%202018-05-12%20Enredando%20con%20Pakolas%20con%20logos%20Pazos1.jpg?dl=0

"ENREDANDO CON PAKOLAS" chegará en abril e maio a 15 concellos da Rede de Dinamización Lingüística para mover o esqueleto, para aprender e para rockear en familia e en galego.

Paco Cerdeira ven de lanzar en Decembro de 2017 o seu primeiro libro-disco en solitario "Pakolas", nome co que se presenta ante o público infantil, eido no que o músico conta con longa traxectoria.

https://bibliopazos.blogspot.com.es/2017/12/pakolas.html
Finalista dos Premios Martín Códax da Música 2018
Este novo traballo musical para os mais peques é no que se basea este espectáculo, editado pola Editorial Galaxia, na súa colección Sonárbore, en colaboración co Colexio Profesional de Logopedas de Galicia, e conta na edición coas ilustracións de Laura Romero.

"Cancións para rockear, para soñar, para non parar de mover o esqueleto e tamén sobre todo, para aprender". Chega con este novo traballo cantando e contando algunhas das historias fantásticas na que os animais serán os protagonistas: "Baldomero o mero", "Xabarín con bombín", "Furafollas", "A Quenlla Madrugadora", "Mc Pac", "Rí salta ri corre", etc.

Pakolas guiaranos coa súa forza interpretativa e o seu humor por todo un universo musical, a través da súa voz e tocando a guitarra, neste espectáculo individual creado polo propio autor, onde a interacción coas nenas e nenos en que os fai partícipes, a animación, as súas caracterizacións e a súa música son o principal atractivo para o público.

"Baldomero o Mero" da moita importancia aos bens materiais, pero o resto de peixes ben que lle demostran o contrario. "Xabarín con Bombín", que é moi bailarín, porque ao final todos e todas podemos chegar a ser o que queiramos ser... Todos estes animais e mais poderedes atopar nas súas cancións deste espectáculo musical, con historias das que APRENDER e GOZAR  a ritmo moi rockeiro e guitarreiro.

Un espectáculo para compartir cos mais peques e coa familia.

Así que xa sabedes, o...

Sábado 12 de maio 

no

Auditorio do Concello

a partir das 18:00 horas

teremos con nos a

PAKOLAS

co seu espectáculo

"ENREDANDO CON PAKOLAS"

Actividade patrocinada pola


Dende a Biblioteca Pública Municipal "BiblioPazos" da Concellería de Cultura do Concello de Pazos de Borbén CONVIDÁMOSVOS a participar nesta actividade.

ESPERÁMOSVOS!!!

NON FALTEDES!

VIR CON NÓS A ROCKANDROLLEAR!!!

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger