17 DE MAIO
DIA DAS LETRAS GALEGAS 2016
MANUEL MARÍA
DIA DAS LETRAS GALEGAS 2016
MANUEL MARÍA
 |
| Imaxe: Xornal de Lugo |
Dende que o 20 de marzo de 1963 os tres membros da Real Academia Galega –Manuel Gómez Román, Xesús Ferro Couselo e Francisco Fernández del Riego- presentaran nesta institución unha proposta histórica: que se declarase o día 17 de maio de cada ano “DIA DAS LETRAS GALEGAS” como data para “recolle-lo latexo material da actividade intelectual galega”, cada ano, nesa data, Galicia honra as súas Letras e a súa Lingua.
Nese ano (1963) celebrábase o centenario da publicación do libro “CANTARES GALLEGOS” de Rosalía de Castro, pero ignorábase a data da súa publicación por iso propúxose o día 17 de maio, por ser nese día cando Rosalía de Castro lle adicou o seu libro ao tamén poeta Fernán Caballero.
Foi instituida como festa anual do Día das Letra Galegas o 17 de maio. Escolleuse esta data porque “CANTARES GALLEGOS” foi o primero libro galego que tivo unha significación universal.
Para saber máis sobre o DÍA DAS LETRAS GALEGAS, clica AQUÍ.
 |
| Imaxe: Dia das Letras Galegas galiciadixital.com |
Neste ano 2016 o autor homenaxeado con este motivo é o poeta MANUEL MARÍA FERNÁNDEZ TEIXEIRO, coñecido polo seu seudónimo “MANUEL MARÍA”.
Este poeta, dramaturgo e narrador, naceu o 6 de outubro de 1929 en San Xoán de Outeiro de Rei (Lugo). Finou o 8 de setembro do 2004 en A Coruña. Iniciou a súa vida cultural e literaria no Lugo da posguerra, onde estudiou o bacharelato, participando nas tertulias do café "Méndez Núñez" con Pimentel, Fole, Piñeiro ou Ánxel Xohan. Con este último fundaría anos máis tarde, no 1952, a colección Xistral de Poesía.
Despois de estudiar Filosofía e Letras en Santiago, onde estableceu contactos coa Xeración Nós, galeguistas composteláns, así como co pintor Maside, quen máis influíu na súa formación (segundo palabras do propio Manuel María), obtén o título de Procurador de tribunais (1957), trasladándose a Monforte para desempeña-lo citado cargo.
Para saber máis de MANUEL MARÍA, fai clic AQUÍ.
Faite socio de BIBLIOPAZOS
e leva os libros de MANUEL MARÍA
para ler na túa casa.
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.