ÁMOTE LEO A. - DESTINO XALUNDES

Ámote Leo A. Destino Xalundes

Autora: Rosa Aneiros 

Edicións Xerais de Galicia S.A.

2ª edición, maio 2014

Coleción: Milmanda

 

2ª Edición - Premio Irmandade do Libro ao Mellor libro Infantil e Xuvenil do ano 2014

 

Catro amigos e unha gran viaxe.

 

Este era o plan de Leo ao rematar os estudos universitarios. En cambio, todo se esborralla uns meses antes de partir, cando os seus colegas se botan atrás e Leo debe afrontar unha decisión transcendental: desistir ela tamén ou marchar soa.

 

A encrucillada é difícil e as dúbidas afógana, pero a ansia por coñecer mundo pode máis que todos os medos. Por fin, unha mañá de xaneiro fai oídos xordos ás advertencias familiares e toma un avión con destino ao sur. Estará fóra exactamente seis meses, nin día máis nin día menos.

 

Aquí comeza un periplo cheo de aventuras e de personaxes fascinantes no que os seus pés a levarán moito máis lonxe do que nunca imaxinara. Lisboa, Barcelona, Granada, Marrakech, O Cairo e Istambul serán as primeiras escalas desta apaixonante viaxe perseguida por unha enigmática pintada que aparece nos lugares máis insospeitados: Ámote Leo A. Quen estará detrás da misteriosa mensaxe? Será algún dos membros da extravagante tropa de Ruth á que se arrima en Barcelona?

 

Inicia así unha engaiolante triloxía na que Leo deberá resolver estas e outras incógnitas que lle deparará o camiño, para descubrir que as cousas non sempre son como as soñamos. Ás veces resultan moito mellores.

 

Formato:14,5 x 21,5 cm

Encadernación: Rústica cosido a fío

Nº de páxinas: 312

ISBN: 978-84-9914-558-7