TEAZA DE BRÉTEMA

TEAZA DE BRÉTEMA
Autor: Isidro Novo
Ediciones SM, 1994
Colección: O barco de vapor

Xénero: Literatura Infantil en Galego - Narrativa

Idade recomendada: +12 anos 

En Axiña, unha vila disque moderna, teñen tanta présa que lles cómpre o tempo. Un día o sol non se move e non lles funcionan os reloxos. Remontando o río, tras un pano de brétema, está Vagariño. Os seus habitantes teñen todo o tempo do mundo porque non se apuran. O que separa as dúas vilas veciñas e o único que as podería unir: a capacidade de soñar.

ISBN:84-348-4278-5

Nº de páxinas: 108

Encadernación: Tapa blanda

PEDRO ALECRIM

PEDRO ALECRIM
Autor: Antonio Mota
Ilustracións: Manolo Uhía
Editorial Galaxia, S.A. 1991
Colección: ÁRBORE 

Xénero: Literatura Infantil en Galego - Narrativa

Idade recomendada: +12 anos 
 
Pedro Alecrim é un rapaz da aldea que empeza un novo curso escolar que acabará sendo decisivo para a súa vida. El mesmo nos conta o que sucede. Primeiro fálanos das falcatruadas que fan el e mais os seus compañeiros nas clases. Explícanos como copian, por exemplo, pero tamén os plans que teñen para facérense ricos.

Un día, sen embargo, o pai de Pedro enferma e o cativo ten que preocuparse doutras cousas. Os estudios non lle van mal, pero pensa que non lle servirán de moito o día de mañá. Ó mesmo tempo, algúns dos seus amigos deben enfrentarse tamén a outros problemas, aínda que ningún tan grave como o que afecta a Pedro, que perde ó seu pai, deixa os estudios e acaba facendo de aprendiz dun ferreiro.

ISBN: 84-7154-802-X
Nº de páxinas: 101
Encadernación: Tapa blanda

O CALASAS, O CURUXAS E A PANTASMA

O CALASAS, O CURUXAS E A PANTASMA
Autor: Stephen Ryan Oliver
Ilustracións: Ramón Trigo

Traducción: Adolfo Carbón
Ir Indo Edicións, S.A. 1999
Colección: Contacontos

Xénero: Literatura Infantil en Galego - Narrativa

Idade recomendada: +12 anos 

A familia Hornsbee vai ter novas dun curmán seu dende a pequena vila mariñeira de Moody. O vello Aloysius entrará nas súas vidas dun xeito repentino, envolto nunha brétema de misterio, aventura e intriga. Dous intrépidos detectives e buscadores de pantasmas, o Calasas e o Curuxas, darán renda solta á súa fantasía e audacia para ir na procura da súa pantasma que vive na vella casa de Moody. Os acantilados bañados polo Atlántico, os lóstregos, as treboadas, o naufraxio do Red Rigger, p vello faro abandonado, o pasadizo secreto, a lenda do indio Squando... Todo formará parte desta emocionante aventura onde a suave melodía dun violín fará que nos mergullemos no enigma da pantasma de Dalton Hornsbee.

ISBN: 84-7680-282-X

Nº de páxinas: 92

Encadernación: Tapa blanda

O MAQUINISTA ANTÓN

O MAQUNISTA ANTÓN
Autor: An Alfaya
Ilustracións: Manuel Uhía
Editorial Bruño, 1993
Colección: Altamar

Xénero: Literatura Infantil en Galego - Teatro

Idade recomendada: +12 anos 

¡ Non e non! - di Antón.

¿Por que ninguén fai mudar de

 idea ó teimudo maquinista?

¡¡ Unha pista!!

Na estación hai un gran follón.

¿Sairá o tren?

¡Que ben!

É posible que o Pescador

de Soños, o Home dos Globos

ou a Adiviña tenten salva-la

situación, mais,

¿quen lle resolve o papelón ó

 Xefe da estación?

Ademais de trabalinguas, poemas e cancións, no interior acharedé-la solución.

ISBN: 84-216-2073-8
Nº de páxinas: 91
Encadernación: Tapa blanda

SALTARICANDO DE AQUÍ PARA ALÍ

SALTARICANDO DE AQUÍ PARA ALÍ
Autor: Mercè Company

Ilustracións: Francesc Rovira
Ediciones SM, 1994
Colección: O barco de vapor

Xénero: Literatura Infantil en Galego - Narrativa

Idade recomendada: +12 anos 

¿Nunca te preguntaches que che gustaría ser de maior? Ana fíxose esta pregunta aos oito anos e decidiu ser monxa, bombeira, conductora de tranvías, actriz... Pero tivo que abandonar os seus proxectos e, ao que cumprir doce anos, descubriu que a súa vocación era dedicarse ao que sempre fixera...

ISBN: 84-348-4445-1
Nº de páxinas: 91
Encadernación: Tapa blanda

VIAXE A ILLA REDONDA

VIAXE A ILLA REDONDA

Autor: Helena Villar Janeiro

Ilustracións: Fernándo Sampil

Editorial Galaxia, S.A. 1992

Colección: ÁRBORE

Xénero: Literatura Infantil en Galego - Narrativa

Idade recomendada: +12 anos

Viaxe a illa redonda, é unha das narracións máis coñecidas de Helena Villar Janeiro, valeulle o prestixioso premio Barco de Vapor.

A novela comeza un 21 de xuño, o día en que remata o curso e se abre para Dores, a protagonista, un tempo cheo de ilusións das vacacións de verán.

A victoria nuna divertida e orixinal competición deportiva -unha carreira de caracois- vaille dar a oportunidade de emprender unha viaxe a Illa Redonda, un lugar fermoso e máxico onde as fantasías poden coverterse en sorpresivas realidades.

Dores chegará a Illa Redonda acompañada pola súa avoa, unha simpática e imaxinativa muller que, coa entrada do verán, cambia as súas dedicacións habituais pola de contadora de contos.

ISBN: 84-7154-827-5
Nº de páxinas: 94
Encadernación: Tapa blanda

O CASO DAS CHAVES DESAPARECIDAS

O CASO DAS CHAVES DESAPARECIDAS 
Autor: Antón Cortizas Amado 
Ilustracións: Xan López 
Editorial Edelvives 
Colección Ala Delta

Xénero: Literatura Infantil en Galego - Narrativa

Idade recomendada: +12 anos 

Son as dez da mañá. De súpeto, o locutor de Badio Vilabranca, a emisora que non espanta, anuncia un estraño suceso: na veciña cidade de Pechobriga empezaron a desaparecer misteriosamente tódalas chaves. E mentres un famoso investigador fala no programa sobre tan estraño caso, unha misteriosa chamada telefónica interrómpeo para retalo a atopa-la solución.

Antón Cortizas, autor repetidamente premiado de obras de teatro e narrativa, ofrécenos aquí unha intrigante novela de detectives chea de misterio. 

ISBN: 84-263-2498-3
Nº de páxinas: 147
Encadernación: Tapa blanda

OTTO É UN RINOCERONTE

OTTO É UN RINOCERONTE
Autor: Ole Lund Kirkegaard
Editorial Alfaguara, 1992
Colección: Xuvenil Alfaguara

Xénero: Literatura Infantil en Galego - Narrativa

Idade recomendada: +12 anos 

Topper atopa un lapis extraordinario e único. Emocionado corre a amosarllo ó seu amigo Viggo e con el debuxa un enorme rinoceronte, ó que chaman Otto, nunha das paredes da súa casa. Dende ese momento, empezan a chover situacións cómicas, inesperadas e confusas que cuestionan a inquebrantable lóxica dos adultos...

ISBN: 84-204-5056-1
Nº de páxinas: 98
Encadernación: Tapa blanda

A VERDADEIRA HISTORIA DO PIRATA XOCAS

A VERDADEIRA HISTORIA DO PIRATA XOCAS
Autor: Milagros Oya Martínez
Ilustracións: Kiko da Silva
Ir Indo Edicións, S.A. 1999
Colección: Contacontos

Xénero: Literatura Infantil en Galego - Narrativa

Idade recomendada: +12 anos

Cando Quino vai pasar uns días a casa do seu avó, descobre a fantástica e emocionante historia dun antergo seu: O Pirata Xocas.

Un vello libro cheo de po levará a Quino a resolve-lo grande enigma que envolve o pasado da súa familia. As súas páxinas encherán de emoción, odio, intriga, amor, amizade e dor unha noite de lectura e misterio ó mesmo tempo que descubrirán a apaixonante vida do Pirata Xocas e a súas fazañas a bordo do Furacán, enfrontado ó terrible capitán don Xan Manoel de Villena e Pairo.
 

ISBN: 84-7680-281-1
Nº de páxinas: 187

Encadernación: Tapa blanda

Á ESPREITA NA PENUMBRA

Á ESPREITA NA PENUMBRA
Autor: María Canosa Blanco
Ilustracións: Andrés Meixide
Sotelo Blanco Edicións, S.L. 1999
Colección: O ordenador

Xénero: Literatura Infantil en Galego - Narrativa

Idade recomendada: +12 anos

Marc e a súa familia viven felices nunha bonita urbanización, pero un día un estraño suceso acaba facendo abalar toda esa harmonía: no armario do cuarto dos seus pais unha arrepiante voz, procedente do pasado, fai a súa aparición. Para fuxir dos malos agoiros que ese estraño fenómeno anuncia para todos, deciden fuxir a París nunha viaxe de lecer. Así se desdencadea a traxedia máis estarrecedora que poida afectar a un ser humano.

ISBN: 84-7824-341-0
Nº de páxinas: 90
Encadernación: Tapa blanda

UNHA HISTORIA NA HISTORIA

UNHA HISTORIA NA HISTORIA
Autor: Sauro Marianelli
Ilustracións: Juan M. Cicuéndez
Editorial Bruño, 1991
Colección: Altamar

Xénero: Literatura Infantil en Galego - Narrativa

Idade recomendada: +12 anos 

 A novela ambientada na Roma de Augusto, dános unha visión dos anos dourados do Imperio.

En primeiro plano preséntanos ó xoven Claudio, tatexo, feble, case esmagado polo desprezo e a persecución dos que o rodean.

Ó final, a súa ignorada intelixencia e a súa grande cultura lévano a un elevado destino: Emperador de Roma.

A partir deste momento a súa historia transfórmase en Historia.

ISBN: 84-216-0997-1
Nº de páxinas: 235
Encadernación: Tapa blanda

DAS COUSAS DE RAMÓN LAMOTE

DAS COUSAS DE RAMÓN LAMOTE
Autor: Paco Martín

Ilustracións: Xoán Balboa
Ediciones SM, 1992
Colección: O barco de vapor

Xénero: Literatura Infantil en Galego - Narrativa

Idade recomendada: +12 anos

Ramón Lamote Miñato, profesor de chairego e debuxante de soños por encarga, é o protagonista da novela gañadora do Primeiro Concurso O Barco de Vapor. Nunha combinación axeitada de realismo e fantasía, o autor cóntanos algunhas cousas deste personaxe cargado de humanidade e, ó mesmo tmepo, do humorismo que caracteriza os nosos paisanos.

ISBN:84-348-1530-3

Nº de páxinas: 139

Encadernación: Tapa blanda

REDONDELA, CRÓNICA DUN TEMPO PASADO

REDONDELA, CRÓNICA DUN TEMPO PASADO: A II REPÚBLICA E O PRIMEIRO FRANQUISMO

Autores: Gonzalo Amoedo López e Roberto Gil Moure

Serie: Documentos

Edicións do Castro, 2002

Xénero: Historia

Este libro é o froito de moitas consultas a arquivos e fondos documentais por parte dos autores, pero froito, tamén da desgarradora memoria dos que viviron os feitos.

Posiblemente o historiador marxista británico Eric J. Hobswaum chamaríalle aplicar un microscopio á Historia. Tomar unha pequena comunidade nun tempo conflictivo e estudiar o seu modo de vida, a súa situación económica e política, as pegadas e as feridas dunha dramática guerra civil e dunha non menos dramática postguerra. Eso é o que fixeron neste libro Gonzalo Amoedo e Robero Gil.

Un libro que non só debera de interesar aos redondeláns ou aos galegos en xeral senón tamén a calquera persoa preocupada pola historia real deste país.

(Extracto do prólogo do libro. Javier Alfaya - Madrid, febreiro de 2002)

Nº de páxinas: 341
Encuadernación: Tapa branda
ISBN: 978-84-8485-090-O

 

O LABORATORIO DO DOUTOR NOGUEIRA

O LABORATORIO DO DOUTOR NOGUEIRA
Autor: Agustín Fernández Paz
Ilustracións: Francisco Bueno Capeáns
Edicións Xerais de Galicia, S.A. 1998
Colección: Merlín

Xénero: Literatura Infantil en Galego - Narrativa

Idade recomendada: +12 anos 

O doutor Roberto Nogueira, un científico millonario que oculta a súa verdadeira identidade, vive entregado a unha nobre causa: loitar contra os problemas que impiden a felicidade do xénero humano.  Rosa, a súa fiel axudante, é a cronista desta batalla implacable que o doutor mantén.

Dende o seu laboratorio secreto, o doutor Nogueira artella orixinalísimas propostas que parecen ir polo bo camiño, pero as súas actuacións acaban producindo efectos non desexados que provocan o caos entre a poboación e estregan todos os seus plans.

ISBN: 84-8302-332-6
Nº de páxinas: 109
Encadernación: Tapa blanda

OTROS MUNDOS, OTRA VIDA

OTROS MUNDOS, OTRA VIDA
Autor: José Luis de Vilallonga
Círculo de lectores, S.A. 2001
Colección: Memorias no autrorizadas

Género: Biografías

Con la misma rotunda vitalidad que caracterizó a La cruda y tierna verdad, Otros mundos, otra vida vuelve a recorrer los salones de la fama de la Europa de la posguerra. Un ramillete de personajes y personajillos que pululaban en los más diversos ambientes y que, a través de la mirada irónica e irreverente de José Luis de Vilallonga, componen un fresco impresionista.

ISBN: 84-226-8924-3
Nº de páginas: 360
Encuadernación: Tapa dura

AS PARÁBOLAS DE PAKOLAS - Animación á Lectura

Finalizamos as actividades de Animación á Lectura do 1º semestre deste ano cunha interesantísima e animada función para celebrar a chegada do solsticio de verán e o fin do curso escolar.

Así o Mércores 14 de xuño ás 13:00 horas teremos no Auditorio do Concello a FRANCISCO CERDEIRA "PAKOLAS" coa actividade de dinamización con música, teatro e danza "As parábolas de Pakolas". 

Un espectáculo no que Paco Cerdeira interpreta en directo unha escolla dos seus temas para público infantil, con música xirando en torno ao rock e mais estilos que entusiasman aos nenos e nenas. 

Combínanse as cancións coas historias que nelas se recollen, cunha mensaxe final, formando así unha fermosa parábola da que aprender e na que pensar. 

Para este día están convidados novamente os alumnos de 1º, 2º, 3º e 4º de Primaria e Educación Infantil do CPI "Curros Enríquez" de Pazos, e tamén aos da EEI "A Galeriña" de Nespereira.

Esta actividade forma parte do programa LER CONTA MOITO promovido pola Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coas entidades locais.

ANIMÁDEVOS A PARTICIPAR!!!

A PARTIR DE OUTUBRO MÁIS ACTIVIDADES

ENDRINA E O SEGREDO DO PEREGRINO

ENDRINA E O SEGREDO DO PEREGRINO
Autor: Concha López Narváez
Ilustracións: Teresa Cámara
Editorial Galaxia, S.A. 1992
Colección: ÁRBORE 

Xénero: Literatura Infantil en Galego - Narrativa

Idade recomendada: +12 anos

Endrina e o segredo do peregrino é unha novela que se desenvolve ó longo do Camiño de Santiago. A finais do século XII, Endrina, unha mociña navarra adicada ó pastoreo, coñece a dous homes que peregrinan a Compostela. A simpática rapaza non dubida en unirse a eles e tampouco tarda en decatarse de que un misterioso enigma preside a súa andaina. Un enigma que só o Camiño será quen de desvelar e que pervive entre as inumerables aventuras e episodios que os peregrinos viven ata chegar á cidade do Apóstolo. A narración avanza, pois, a medida que o fai o propio Camiño de Santiago, vivamente reflexado nas súas paisaxes e no seu ambiente cultural e humano.

ISBN: 84-7154-850-X
Nº de páxinas: 198
Encadernación: Tapa blanda