BIBLIOTECA PÚBLICA MUNICIPAL: A historia de Erika

luns, 22 de xullo de 2013

A historia de Erika - LITERATURA INFANTIL

A historia de Erika
Ruth Vander Zee (texto)
Roberto Innocenti (ilustración)
Xosé Manuel González Barreiro (traducción)

Kalakandra editora, 2004

Idade recomendada: dende 10 anos

Transcorreron seis décadas dende a liberación dos campos de exterminio nazis, e Erika cóntanos a súa historia para lembrarnos que a mellor maneira de que non se repita é manter viva a memoria.

“Nacín en 1944. Non sei o día. Non sei que no me me puxeron. No sei en que cidade nin en que país vin ao mundo. Tampouco sei se tiven irmáns. O que sei é que cando a penascontaba cuns meses salváronme do Holocausto...”.

Historia estremecedora e impactante a de Erika, unha muller marcada polo seu pasado. A súa memoria imborrable é a dunha supervivente do maior xenocidio cometido no século XX, coa que KALANDRAKA agarda concienciar aos novos lectores de que nunca máis se repita tal traxedia, máis de 60 anos despois da liberación do campo de exterminio de Auschwitz.

Destaca da portada un troquelado con forma de estrela de seis puntas, símbolo xudeu que os prisioneiros levaban prendidona roupa. De feito, a estrela de David é un emblema que acompaña os lectores dende o principio ao final do libro. “No seu camiño cara á morte, a miña nai lanzume á vida”, escribiría Ruth Vander Zee evocando as palabras de Erika, á que coñeceu casualmente en Rothenburgo.

Frases curtas, contundentes e evocadoras dan conta do drama que afectou a seis millóns de persoas entre 1933 e 1945. Erika faise constantes preguntas sobre as condicións de vida da súa familia durante a reclusión no gueto e os últimos momentos que pasou en brazos dos seus pais no tren hacinado que os levaba a algún lugar de Alemaña para sufrir tortura: Mauthausen, Dachau...

As ilustracións de Innocenti reforzan os profundos sentimentos que a autora transmite co texto. O seu estilo é absolutamente realista, como fotogramas dunha película: colorea cunha paleta de grises as imaxes evocadoras da historia e reserva o color para escenas puntuais, combinando o pasado co presente.

Temática:

Historia dunha supervivente do exterminio xudeu na Alemaña nazi.

Aspectos destacables:

A guerra, a memoria, a historia, os Dereitos Humanos; ilustracións hiperrealistas; o valor simbólico da cor; do ilustrador de “As aventuras de Pinocho” e “A casa”.