Blogger actualiza e galeguiza as súas aplicacións móbiles

Venres 16 de novembro do 2012, por Marcus Fernández

Estamos ante a primeira versión da aplicación
de Blogger adaptada ao iPad

Os usuarios que teñen un blog en Blogger e que desexen publicar en mobilidade poden aproveitar as aplicacións oficiais para iOS e Android do servizo de bitácoras de Google, que veñen de chegar á súa versión 2.0, incorporando numerosas funcións como soporte de vista panorámica ao escribir unha nova publicación, a posibilidade de compartir en Google+, permitir ver a data de publicación dunha nova entrada e, moi especialmente, engadir o soporte de iPad, de xeito que a versión para iOS é universal, adaptándose tanto para iPhone e iPod Touch como para o tablet da compañía da mazá trabada.

Cómpre destacar que a nova aplicación tamén está localizada a máis de 30 linguas, entre as que non faltan o éuscaro, o catalán e o galego (aínda que non atopamos o xeito de empregar o galego baixo iOS, e en Android só funciona nos terminais que poidan configurarse en galego).

En móbiles con Android tamén será doado

xestionar os cadernos en liña de Blogger

Fonte:

 

 

Deixanos o teu comentario.

Fai clic no apartado "Sin comentarios" e empeza a escribir.

Grazas por participar