Desde "BIBLIOPAZOS", a Biblioteca Pública Municipal do Concello de Pazos de Borbén continuamos traballando pola educación e a cultura no municipio organizando actividades para promover, dinamizar e animar á lectura entre a veciñanza -especialmente entre os escolares e mocidade- co obxectivo de sensibilizar á poboación para que utilicen en todos os ámbitos da súa vida a nosa lingua a través do Programa de animación á lectura e de dinamización e sensibilización da Lingua Galega de 2025.
Para este mes de Maio -no que conmemoraremos o DÍA DAS LETRAS GALEGAS-, temos organizado varias actividades para promover o noso idioma e para homenaxear ás "Cantareiras e á poesía popular oral", pois este ano a Real Academia Galega acordou dedicar esta data consagrada á exaltación e promoción da nosa literatura e da nosa lingua á poesía popular oral, personificado en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica).
Así este Venres 9 de maio a partir das 13:00 horas nas instalacións do CPI "Curros Enríquez" de Pazos recibiremos a visita de LORENA PINHEIRO que nos traerá o seu espectáculo "2 PASOS 25 PESETAS" no que participará todo o alumnado de ESO.
O espectáculo "2 PASOS 25 PESETAS" fala dos anos 80. A chegada do teléfono público a Meder cambia a vida de toda a parroquia.
Saladina pon en marcha o contador e acude á chamada espreitando tras da porta.
Polas noites encende a radio para sentir a voz do seu querido Marcial e de cando en vez chámao dende o teléfono supletorio para intervir no programa contando algunha historia.
Traballa sen paraxe salvo para ler a prensa en escoitar o parte na recén estreada Televisión de Galicia.
Unha sesión chea de humor e lembranzas do que supuxo a mellora das telecomunicacións.
Continuaremos as actividades o Martes 13 de Maio a partir das 10:20 horas, tamén nas instalacións do CPI "Curros Enríquez" de Pazos. Nesta ocasión recibiremos á pandereteira e regueifeira GUADALUPE BLANCO VÁZQUEZ para impartir ao alumnado de ESO un "OBRADOIRO DE REGUEIFAS" en dúas sesións de 90 minutos cada unha coa que queremos conmemorar especialmente o DÍA DAS LETRAS GALEGAS deste ano 2025 adicado á Poesía Popular Oral.
Esta proposta de LUPE BLANCO ven da necesidade imperiosa
de que esta tradición, que nos chega dende
tempos inmemoriais, non se perda no tempo que nos toca vivir, de forma
irreversible, simplemente polo feito de non haber quen se preocupe dela. Ademais somos da idea
de que os seus valores e contidos non están
esgotados, son plenamente vixentes e teñen
ademais cualidades pedagóxicas e de entretemento
inexploradas ata hoxe. É por isto que nos
decidimos a promover esta experiencia absolutamente nova e pioneira, que
agardamos dea os resultados previstos.
Os obxectivos desta actividade son os seguintes:
- Dar a coñecer o fenómeno da poesía oral improvisada en verso.
- Espertar posibles vocacións na práctica desta manifestación artística.
- Utilizar esta forma de
expresión como elemento didáctico de
estudo das distintas compoñentes do fenómeno poético: - Tipo de estrofas –Rima –Tonada –Métrica -Outros
- Conseguir que os/as
rapaces/zas sexan quen de realizar unha copla improvisada ao remate da
sesión.
- Facelos participar
doutra serie de compoñentes educativas:
1. Desenvolvemento de competencias
persoais:
- Actitudes e competencias
para a improvisación.
- Autoconfianza/autoestima
- Actitude creativa e
axilidade mental
- Competencias para
organizar a comunicación
- Desenvolvemento da
memoria
2. Implicación do
alumnado no patrimonio cultural: Coñecemento da improvisación oral como expresión cultural universal 3. Potenciación complementaria da competencia musical, lingüística e
escénica.
A actividade está orientada ao alumnado de 12 a 16 anos, é dicir, a estudantes de ESO, que son os que teñen máis temas relacionados
coa poesía dentro dos seus
contidos académicos.
Aclarar que este é un obradoiro de duración reducida e que non pretende sacar regueifeir@s, senón familiarizar os
asistentes con esta manifestación popular e coa súa técnica que ten elementos
poéticos, musicais e tamén teatrais. Haberá unha serie de contidos/conceptos que estarán de fondo durante toda a sesión, como son; a estrofa, a rima, a tonada, o verso, a
musicalidade..., todas elas características intrínsecas da poesía.
As sesións van a ser eminentemente
prácticas, dinámicas e participativas; variando a súa intensidade entre os distintos exercicios e
dependendo tamén do grao de implicación que se acade dos partícipes. Pensamos a sesión para que a intensidade da mesma vaia de menos a máis e @s moz@s leven unha experiencia satisfactoria
para casa.
GUADALUPE BLANCO VÁZQUEZ, ( Coristanco 1980 ) Pandereteira dende os sete anos, entra no mundo
da regueifa recordando ó seu bisavó Blanco de Muiñoseco, considerado o " padriño" da regueifa en Bergantiños. Crea a súa páxina nas redes sociais
"Regueifandopolavida" e colle un mérito notorio en toda Galicia, tanto é así que colabora dende o 2016 cunha regueifa
semanal en Radio Voz Bergantiños e publica no dominical da Voz de
Galicia edición Carballo. No 2017 veu a dar os pregóns do día da muiñeira ( Carballo ) Noite no Medievo ( Rioboo- Cabana ) e Festa da
Pataca ( Coristanco)
todos eles a modo de regueifa. Colabora cos proxectos Regueifesta e Enreguéifate como formadora en obradoiros no ámbito educativo, e forma a primeira
“Escola de regueifa" no Concello de
Carballo.
Sae fóra de Galicia con actuacións no País Vasco ( Centro Galego de Laudio ) ou Mallorca ( Certame de Glosa en
Sóller )
Nas súas intervencións destacadas están:
- Gala do Patrimonio (Cangas 2017 )
- Carballeira de Zas ( 2019)
- Presentación do Diario Nós ( Compostela 2019 )
- Festival "Alguén que Respira" ( Teatro principal
Compostela 2020)
- Presentación Gala ARitmar Galiza e Portugal (
Auditorio de Galicia 2021)
- Certame Internacional de improvisación ( Valladares, Vigo )
- Congreso estatal de EPA ( Cidade da Cultura 2022)
- Catas de Galicia ( 2022 )
- No ano 2024 acadaou o primeiro premio dos "Premios Galegos da Regueifa"
por terceiro ano consecutivo, organizados pola Voz De Galicia en Carballo, e
actualmente está considerada a
mellor regueifeira de Galicia pola conservación das tonadas características de Bergantiños.
E para rematar as actividades deste mes o Martes día 20 de Maio ás 10:30 horas nas instalacións do CPI "Curros Enríquez" de Pazos visitarános outro ano máis Quique Mauricio e Carlos Taboada do colectivo POLO CORREO DO VENTO que nos traerán o Contacontos ilustrado "CANTAREIRAS: A poesía popular nas Letras Galegas 2025", baseado no libro do mesmo título dos citados autores, ilustrado por Tania Solla, e editado por Lela Edicións.
Con esta proposta orientada ao público infantil conmemoraremos o DÍA DAS LETRAS GALEGAS nunha actividade na que se narrará oralmente a historia, sempre dando pinceladas da obra e vida das homenaxeadas deste ano, e faremos un obradoiro de debuxo no que realizaremos unha caricatura dunha cantareira galega.
O Concello adquiriu 100 exemplares do libro e cada un dos asistentes a este evento será agasallado cun exemplar; ademais tamén entregaranse varios exemplares á biblioteca do colexio e da Asociación ASPAVI, ata acabar as existencias.
Están convidados a asistir a esta actividade o alumnado de Infantil e 1º a 3º de Primaria do CPI "Curros Enríquez" de Pazos e o alumnado de Infantil da EEI "A Galeriña" de Nespereira.
EN BIBLIOPAZOS SEGUIMOS TRABALLANDO POLA EDUCACIÓN E A CULTURA
.jpg)
%20(1).jpg)
