2º CICLO DE TRADICIÓN ORAL "FALAR POR FALAR"

2º CICLO DE TRADICIÓN ORAL "FALAR POR FALAR"
3, 10, 17 e 21 de Novembro de 2017 / Auditorio do Concello

Cuentos violetas

Cuentos violetas
22-Novembro-2017 / Sala de Lectura

xoves, 25 de maio de 2017

RAMON PIÑEIRO

RAMÓN PIÑEIRO
Autor: Carlos Casares
Deseño gráfico: Xesús Fraga
Edita: Centro Ramón Piñeiro, 1996
Contido: Libro + 1 videocasete (VHS)
 
Xénero: Biografías

A figura de Ramón Piñeiro foi clave no difícil paso do deserto do galeguismo a través da ditadura de Franco.

Entre as persoas ás que máis marcou o intelectual de Láncara estivo Carlos Casares, que lle dedicou en 1996 este breve volume editado pola Xunta de Galicia.

Casares segue nestas páxinas a quen fora en tantos aspectos o seu mestre, a través dos seus primeiros anos como estudante; o compromiso político previo á confrontación armada; a Guerra Civil, a derrota e a cadea; e a reorganización do galeguismo na Compostela dos anos 50 e 60, nos que a mesa-camilla da súa casa na rúa Xelmirez foi fundamental.

O texto narra as experiencias clandestinas, case de novela de espías, de quen foi en boa parte o tecedor da reincorporación do galeguismo á vida pública no último franquismo e na Transición, e detense nas vivencias, compartidas con Casares, do primeiro parlamento autonómico, do que os dous formaron parte como independentes integrados na lista do PSOE. 

Ramón Piñeiro é un retrato tenro e próximo dunha figura clave para entender a historia recente de Galicia, feito por alguén que viviu en primeira persoa algunhas das vicisitudes que se narran.

D.L.: LU 140-1996
Nº de páxinas: 95
Formato: 10 x 19 cm
Encadernación: Rústica con solapas 


Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger