venres, 30 de setembro de 2022

OBRADOIRO DE CREACIÓN LITERARIA "RELATO EXPRÉS - A PERSONAXE DA AULA" con Andrea Barreira Freije

Continuamos informando das actividades do Programa de Animación á Lectura e Dinamización do uso da Lingua Galega organizadas pola Biblioteca Pública Municipal de Pazos de Borbén “BiblioPazos”.

Dalgunhas delas xa demos conta en datas pasadas: da realizada o 16 de setembro coa actuación de Paco Cerdeira “PAKOLAS”; da do día 26 de setembro con OLGA CUERVO; da convocatoria do “IV CERTAME DE RELATO CURTO DE PAZOS DE BORBÉN”; e a do Obradoiro de Creación Literaria “ESCRIBIR PARA CONTAR” que terá lugar durante os días 27 ao 30 de setembro.

Agora toca informar sobre outro obradoiro de creación literaria que se organizou para o alumnado da ESO do CPI “Curros Enríquez” de Pazos.


Este obradoiro denominado “RELATO EXPRÉS-A PERSONAXE DA AULA” o impartirá a escritora, xornalista e docente ANDREA BARREIRA FREIJE para todo o alumnado de ESO do CPI “Curros Enríquez” de Pazos.

Terá lugar tamén nas instalacións do colexio en catro sesións dunha duración de hora e media cada unha e se realizarán nas seguintes datas e horarios:

Xoves, 6 de outubro
10:20 a 11:50 – 1º ESO
12:20 a 13:50 – 4º ESO
Venres, 7 de outubro
10:20 a 11:50 – 2º ESO
12:20 a 13:50 – 3º ESO

Es quen de escribir un relato nunha hora e media? Atréveste a enfrontarte á folla en branco? Neste obradoiro de narrativa apréndese a usar as ferramentas básicas para escribir un relato. A través do xogo, quen participe descubrirá que hai detrás do principio, nó e desenlace.

Para escribir un relato precisamos imaxinación, atención e coñecer o manexo dunhas ferramentas básicas.

"Relato-exprés” é un obradoiro de escrita que funciona como unha receita. A través de varios pasos, que van desde a inspiración á lectura, pasando pola escrita, descubriremos tanto o traballo que hai detrás dun texto como os elementos narrativos para poder conxugalo todo e así contar unha historia.

“A personaxe da aula” vén contar a súa historia: Quen e como é? Desde onde apareceu? Cales serán as súas aventuras? A que terá que enfrontarse? Vai soa ou ten compaña?

Así o alumnado aprenderá a construír un relato a través da creación dunha personaxe, xa que nos permitirá non só saber como é, senón tamén a manexar os distintos elementos narrativos como o espazo, o tempo, os narradores, diálogos, monólogos... a un tempo que aprenden a elaborar unha trama a partir da súa viaxe.

Un obradoiro para traballar en conxunto, de xeito que se construirá un relato entre toda a aula. Unha maneira doada de aprender a estruturar as historias.

Cada participante escribirá un relato xogando con narradores e estruturas algo máis complexas.

Esta actividade enmárcase no programa de "Obradoiros e Certame de Creación Literaria" do Proxecto de Actividades de Dinamización da Lingua Galega da Biblioteca Pública Municipal do Concello de Pazos de Borbén e que patrocina a Deputación Provincial de Pontevedra.

Para calquera información sobre a programación podedes contactar coa Biblioteca por teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

sábado, 24 de setembro de 2022

OBRADOIRO DE CREACIÓN LITERARIA "ESCRIBIR PARA CONTAR" con Miguel Anxo Alonso Diz

Continuamos informando das actividades que forman parte do programa de animación á lectura e dinamización do uso da lingua galega para o último cuadrimestre deste ano 2022 organizadas pola Biblioteca Pública Municipal de Pazos de Borbén “BiblioPazos” e que complementan á convocatoria do “IV CERTAME DE RELATO CURTO DE PAZOS DE BORBÉN”.

Seguindo coa nosa programación e obxectivos; e para animar á escrita en galego a todo o alumnado organizamos varios "OBRADOIROS DE CREACIÓN LITERARIA".


O primeiro deles titulado
“ESCRIBIR PARA CONTAR” será impartido polo escritor, poeta, docente e contacontos MIGUEL ANXO ALONSO DIZ.

Nel participará todo o alumnado de Primaria do CPI “Curros Enríquez” de Pazos e terá lugar nas instalacións escolares en seis sesións dunha duración de hora e media cada unha nas seguintes datas e horarios:

Martes, 27 de setembro:
12:30 a 14:00 - 1º de Primaria
Mércores, 28 de setembro:
12:30 a 14:00 - 2º de Primaria
Xoves, 29 de setembro:
09:30 a 11:00 - 3º de Primaria
11:00 a 12:30 - 4º de Primaria
Venres, 30 de setembro:
09:30 a 11:00 - 5º de Primaria
11:00 a 12:30 - 6º de Primaria

O obradoiro está concibido coma un xeito de estruturar e dar forma aos procesos de creación que teñen lugar na forma de afrontar o proceso da escrita do escritor que os imparte.

A múltiple condición de escritor-poeta, conta contos e docente fai que xogue con diversas variables: o uso da palabra, a inclusión de elementos (que da en chamar de contada), as imaxes e as actividades asociadas ao libro dirixidas a reforzar a mensaxe que se desexa transmitir á rapazada. Na maioría das veces actividades que buscan fomentar a creatividade, o amor pola arte en xeral e pola lingua galega.

Todas estas variables xogan un papel relevante no intre de pórse diante da folla en branco.

O obradoiro que está pensado para os escolares e cada sesión está adaptada non só a idade senón tamén ao grupo, persegue os obxectivos que se indican a continuación e estrutúrase nos niveis que se detallan:

  • Incentivar a creatividade.
  • Estimular a creación de historias vencelladas co noso contorno.
  • Dar a coñecer diferentes propostas narrativas: narrativa breve, relato curto, microrrelato, prosa poética ou conto.
  • Asociar a escrita ao xogo.
  • Enlazar elementos escritos e de narración visual.
  • Conectar a escrita e a narración oral.
  • Incentivar a lectura como motor da escrita.
  • Iniciar no xogo das palabras.
  • Escribir como ferramenta de expresión dun mesmo.
  • Fomentar o uso da lingua galega.

Primeiro nivel: 1º e 2º de Primaria
  • Pequenas historias.
  • Narrar a través da imaxe.
  • O cómic. A idea.
  • Un pequeno guión.
  • A palabra e a imaxe.
Segundo nivel: 3º e 4º de Primaria
  • Xogo da escrita.
  • Cazadores de ideas.
  • O nacemento dos personaxes.
  • Un mundo en menos de 200 palabras.
  • O título.
  • Unha pequena gran historia.
Terceiro nivel: 5º e 6º de Primaria
  • Ser creativos? Exercicio da "pedra".
  • Técnicas de escrita.
  • O binomio fantástico.
  • Comezamos a contar.
Esta actividade enmárcase no programa de "Obradoiros e Certame de Creación Literaria" do Proxecto de Actividades de Dinamización da Lingua Galega da Biblioteca Pública Municipal do Concello de Pazos de Borbén e que patrocina a Deputación Provincial de Pontevedra.

Para calquera información sobre a programación podedes contactar coa Biblioteca por teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

xoves, 22 de setembro de 2022

CONVOCATORIA DO "IV CERTAME DE RELATO CURTO DE PAZOS DE BORBÉN" E "OBRADOIROS DE CREACIÓN LITERARIA"

En datas pasadas informamos sobre varias actividades de animación á lectura que comezaron o día 16 de setembro pasado coa actuación de Paco Cerdeira “PAKOLAS” e continuamos o próximo día 26 de setembro con OLGA CUERVO, nas que participarán os alumnos de Infantil e Primaria do CPI "Curros Enríquez" de Pazos e os usuarios da Asociación ASPAVI.

Sacamos agora á luz outras novas actividades para seguir animando á lectura e dinamizar o uso da lingua galega entre os escolares do concello e para elo convocamos outro ano máis o CERTAME DE RELATO CURTO DE PAZOS DE BORBÉN que, nesta ocasión, acada a súa cuarta edición.

Neste IV CERTAME DE RELATO CURTO DE PAZOS DE BORBÉN poderá participar todo o alumnado residente no Concello de Pazos de Borbén que estivera ou estea cursando estudos de Educación Primaria e/ou Secundaria nos colexios públicos do municipio durante os cursos 2021/2022 ou 2022/2023; e que presenten os orixinais escritos en lingua galega. Haberá 5 categorías para participar:

- A: 1º e 2º de primaria
- B: 3º e 4º de primaria
- C: 5º e 6º de primaria
- D: 1º e 2º de ESO
- E: 3º e 4º de ESO

Os relatos poderán presentarse entre os días 3 de outubro e o 15 de novembro, ambos inclusive, deste ano 2022.

Coa convocatoria desta cuarta edición do certame pretendemos seguir animando á creación literaria, á escrita e á lectura en lingua galega; fomentar a creatividade e potenciar a expresión e a comprensión escritas estimulando o uso da lingua galega entre os escolares e os mais mozos, particularmente no ámbito da narrativa/relato breve, facilitándolles unha motivación para facelo como é a de participar nun certame literario.

Este ano ademais hai uns pequenos cambios nas bases que son os seguintes:

1) Os traballos deberán presentarse en papel formato A4 manuscritos en letra clara ou ben impresos en tipo de letra Arial, tamaño 14 puntos e entreliñado 1,5 liñas. (Nas anteriores edicións era de 12 puntos).

2) A temática dos relatos deberá incidir, preferentemente, nas seguintes materias:
  • A prevención da violencia de xénero, a igualdade, a diversidade, a tolerancia e o respecto como valores esenciais para a convivencia entre homes e mulleres.
  • A recollida de historias e lendas locais transmitidas oralmente de avós/avoas a pais/nais, a fillos/as e a netos/as que favorezan o coñecemento do patrimonio inmaterial de Pazos de Borbén.
  • A recollida de toponimia e microtoponimia dos lugares, barrios e parroquias do concello.
3) Para fomentar a lectura en lingua galega e o traballo cooperativo na aula entregaranse tamén un lote de libros a cada unha das aulas do colexio que presenten máis de catro participantes ao certame.

Desde a Biblioteca Pública Municipal de Pazos de Borbén "BIBLIOPAZOS" animamos a todo o profesorado do centro, aos pais, nais e demais familiares do alumnado para que os estimulen a escribir e a participar nesta nova edición na que esperamos superar a participación da celebrada no ano 2021.

Ademais para animar á escrita a todo o alumnado temos organizado tamén varios "OBRADOIROS DE CREACIÓN LITERARIA".

O primeiro deles titulado “ESCRIBIR PARA CONTAR” será impartido polo escritor, poeta, docente e contacontos MIGUEL ANXO ALONSO DIZ e nel participará todo o alumnado de Primaria do CPI “Curros Enríquez” de Pazos.

Terá lugar nas instalacións do colexio en seis sesións dunha duración de hora e media cada unha e se levarán a cabo nos seguintes horarios:
 
Martes, 27 de setembro:
12:30 a 14:00 - 1º Primaria
Mércores, 28 de setembro
12:30 a 14:00 - 2º Primaria
Xoves, 29 de setembro
09:30 a 11:00 - 3º Primaria
11:00 a 12:30 - 4º Primaria
Venres, 30 de setembro
09:30 a 11:00 - 5º Primaria
11:00 a 12:30 - 6º Primaria

O obradoiro está concibido coma un xeito de estruturar e dar forma aos procesos de creación que teñen lugar na forma de afrontar o proceso da escrita do escritor que os imparte.

A múltiple condición de escritor-poeta, conta contos e docente fai que xogue con diversas variables: o uso da palabra, a inclusión de elementos (que da en chamar de contada), as imaxes e as actividades asociadas ao libro dirixidas a reforzar a mensaxe que se desexa transmitir á rapazada. Na maioría das veces actividades que buscan fomentar a creatividade, o amor pola arte en xeral e pola lingua galega.

Todas estas variables xogan un papel relevante no intre de pórse diante da folla en branco.

O obradoiro que está pensado para os escolares e cada sesión está adaptada non só a idade senón tamén ao grupo, persegue os obxectivos que se indican a continuación e estrutúrase en tres niveis que se detallan de seguido:

  • Incentivar a creatividade.
  • Estimular a creación de historias vencelladas co noso contorno.
  • Dar a coñecer diferentes propostas narrativas: narrativa breve, relato curto, microrrelato, prosa poética ou conto.
  • Asociar a escrita ao xogo.
  • Enlazar elementos escritos e de narración visual.
  • Conectar a escrita e a narración oral.
  • Incentivar a lectura como motor da escrita.
  • Iniciar no xogo das palabras.
  • Escribir como ferramenta de expresión dun mesmo.
  • Fomentar o uso da lingua galega.

Primeiro nivel: 1º e 2º de Primaria
  • Pequenas historias.
  • Narrar a través da imaxe.
  • O cómic. A idea.
  • Un pequeno guión.
  • A palabra e a imaxe.
Segundo nivel: 3º e 4º de Primaria
  • Xogo da escrita.
  • Cazadores de ideas.
  • O nacemento dos personaxes.
  • Un mundo en menos de 200 palabras.
  • O título.
  • Unha pequena gran historia.
Terceiro nivel: 5º e 6º de Primaria
  • Ser creativos? Exercicio da "pedra".
  • Técnicas de escrita.
  • O binomio fantástico.
  • Comezamos a contar.
O segundo obradoiro denominado “RELATO EXPRÉS-A PERSONAXE DA AULA” o impartirá a escritora, xornalista e docente ANDREA BARREIRA FREIJE e nel participará todo o alumnado de ESO do CPI “Curros Enríquez” de Pazos.

Terá lugar tamén nas instalacións do colexio en
catro sesións dunha duración de hora e media cada unha e se realizarán nas seguintes datas e horarios:

Xoves, 6 de outubro
10:20 a 11:50 - 1º ESO
12:20 a 13:50 - 4º ESO
Venres, 7 de outubro
10:20 a 11:50 - 2º ESO
12:20 a 13:50 - 3º ESO

Es quen de escribir un relato nunha hora e media? Atréveste a enfrontarte á folla en branco? 

Este é un obradoiro de narrativa onde se aprende a usar as ferramentas básicas para escribir un relato. A través do xogo, quen participe descubrirá que hai detrás do principio, nó e desenlace.

Para escribir un relato precisamos imaxinación, atención e coñecer o manexo dunhas ferramentas básicas. “Relato-exprés” é un obradoiro de escrita que funciona como unha receita. A través de varios pasos, que van desde a inspiración á lectura, pasando pola escrita, descubriremos tanto o traballo que hai detrás dun texto como os elementos narrativos para poder conxugalo todo e así contar unha historia.

“A personaxe da aula” vén contar a súa historia: Quen e como é? Desde onde apareceu? Cales serán as súas aventuras? A que terá que enfrontarse? Vai soa ou ten compaña?

Neste obradoiro o alumnado aprenderá a construír un relato a través da creación dunha personaxe, xa que nos permitirá non só saber como é, senón tamén a manexar os distintos elementos narrativos como o espazo, o tempo, os narradores, diálogos, monólogos... a un tempo que aprenden a elaborar unha trama a partir da súa viaxe.

Un obradoiro para traballar en conxunto, de xeito que se construirá un relato entre toda a aula. Unha maneira doada de aprender a estruturar as historias.

Cada participante escribirá un relato xogando con narradores e estruturas algo máis complexas.

Estas actividades enmárcanse no programa de "Obradoiros e Certame de Creación Literaria" do Proxecto de Actividades de Dinamización da Lingua Galega da Biblioteca Pública Municipal do Concello de Pazos de Borbén e que patrocina a Deputación Provincial de Pontevedra.

Para calquera información sobre a programación podedes contactar coa Biblioteca por teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

luns, 19 de setembro de 2022

"CONTOS QUE SABEN A GLORIA" con Olga Cuervo para conmemorar o DÍA EUROPEO DAS LINGUAS

E para conmemorar o DÍA EUROPEO DAS LINGUAS que se celebra en todo o mundo o día 26 de setembro, teremos con nós á actriz e contadora asturiana OLGA CUERVO que nos traerá o espectáculo de contacontos “CONTOS QUE SABEN A GLORIA” no que interpreta diferentes historias que a axudaran a levar a cabo o seu obxectivo principal, que é que as nenas e nenos asistentes, coñezan de preto a figura de Gloria Fuertes.

Con este espectáculo a contadora homenaxeará á escritora Gloria Fuertes para reivindicar a súa figura e que os escolares coñezan a esta escritora moi popular entre a xeración infantil dos anos oitenta e que segue de actualidade. A escritora e poeta foi unha voz fresca, divertida e feminista que destacou na literatura infantil.

Esta actividade terá lugar o Luns día 26 de Setembro a partir das 11:00 horas no Auditorio do Concello de Pazos de Borbén, en dúas sesións: A primeira de 11:00 a 12:00 horas está convidado todo o alumnado de INFANTIL e 1º e 2º de Primaria do CPI "Curros Enríquez" de Pazos; na segunda sesión de 13:00 a 14:00 horas participará o alumnado de 3º e 4º de Primaria xunto con usuarios da Asociación ASPAVI, ademáis de todo o público en xeral que se inscriba previamente na Biblioteca chamando ao teléfono 986 497 273.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

martes, 13 de setembro de 2022

RETRINCOS. UN OLLO DE VIDRO

RETRINCOS.
UN OLLO DE VIDRO: Memorias dun esquelete
Autor: Alfonso Daniel R. Castelao
Ilustracións: Un ollo de vidro (Castelao)
Ilustracións: Retrincos (Carlos Maside)
Editorial Galaxia S.A.
Colección: Biblioteca Castelao

Xénero: Literatura Galega - Narrativa

Prosa estilizada e sensible nalgunhas das pezas máis significativas da narrativa galega.

Castelao (Rianxo, 1886 - Bos Aires, 1950) escritiu "Retrincos" co coidado e agarimo dun mestre artesán. Contos nados de vivencias que deixaron pegada no autor, o seu carácter autobiográfico fainos máis próximos e verdadeiros. Anacos de vida feitos literatura, contados coa sensibilidade requintada da tradición popular.

Ao seu carón, "Un ollo de vidro" representa o humorismo e a sátira, a crítica dunha realidade social e política ante a que Castelao nunca transisiu.

ISBN: 978-84-8288-742-4
Nº de páxinas: 84
Formato: 13,5 x 21 cm
Encadernación: Rústica con lapelas

venres, 9 de setembro de 2022

PACO CERDEIRA “PAKOLAS” trae a Pazos de Borbén o seu espectáculo “RAMONA ÓRBITA, A DONA DO TEMPO” para celebrar a chegada do Equinoccio de Outono e o comezo do curso escolar


O próximo Venres 16 de setembro a partir das 13:00 horas teremos en Pazos de Borbén a PACO CERDEIRA “PAKOLAS co seu espectáculo musical “RAMONA ÓRBITA, A DONA DO TEMPO” baseado no seu Libro-CD editado na colección Sonárbore pola Editorial Galaxia.

Con este espectáculo conmemoraremos a chegada do EQUINOCCIO DE OUTONO e o inicio do curso escolar 2022/2023.

Están convidados a participar nesta actividade os escolares de 1º a 6º de Primaria do CPI “Curros Enríquez” de Pazos e os usuarios da Asociación ASPAVI, ademais de todo o público en xeral que se inscriba previamente na Biblioteca chamando ao teléfono 986 497 273.

Neste espectáculo contaremos e cantaremos a historia de Ramona Órbita, unha muller labrega da Serra do Courel, que posúe unha horta cibernética con patacas automáticas, e ademais ten unha máquina do tempo, o seu mellor invento. Con ela viaxa ao futuro e ao pasado na procura de tecnoloxía para crear un mundo mellor, mais ecolóxico e con enerxías limpas.

Así, a través das cancións e a narración, imos saltando a diferentes épocas, Ramona viaxa á prehistoria a comer churrasco de mamut con Manolo Cavernario que acaba de descubrir o lume; visita a Leonardo da Vinci no Renacemento; acode ao Antigo Exipto cun tal Ramsés ao que lle cheiran os pés; ou conversa cun robot que ten unha Roda Rota que se fai chamar Time, etc; todo ata chegar a Benvidas do futuro na que cantamos por unha sociedade mais ecolóxica e concienciada co respecto e coidado á natura.

Moitas personaxes poderedes atopar neste libro-disco, con historias das que APRENDER e GOZAR a ritmo moi rockeiro.

Esta actividade atópase incluída no programa de dinamización da lectura LER CONTA MOITO que promove a Secretaría Xeral de Cultura da Consellería de Cultura, Educación e Universidade da Xunta de Galicia a través da Rede de Bibliotecas Públicas de Galicia, en colaboración cos concellos e coas súas bibliotecas.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

BUSCAR NO BLOG


gadgets para blogger