sábado, 29 de febreiro de 2020

UN ENEMIGO DEL PUEBLO


UN ENEMIGO DEL PUEBLO
Autor: Henrik Ibsen
Adaptadora: Silvia Llorente
Ilustrador: Andreu Mas
Edita: Almadraba Editorial

Género: Literatura Juvenil en Castellano - Narrativa

Un enemigo del pueblo es una obra de teatro que Ibsen escribió en 1882. En esta colección te ofrecemos la versión en prosa, o sea que vas a leer la obra como si se tratara de una narración.

El personaje central es el doctor Tomas Stockman. Este médico impulsa la creación de un balneario en el pueblo, por que sus aguas son muy beneficiosas para la salud. El balneario atrae a mucha gente, y la gente gasta dinero. Todo va bien.

Todo va bien hasta el día en que el propio Stockman descubre que las aguas están infectadas y que el balneario ha dejado de ser saludable.

A partir de entonces el doctor se convertirá en un enemigo del pueblo...

ISBN: 978-84-17563-05-9
Nº de páginas: 138
Encuadernación: Tapa blanda
Formato: 16 x 21 cm

venres, 28 de febreiro de 2020

EL PERRO DE LOS BASKERVILLE


EL PERRO DE LOS BASKERVILLE
Autor: Arthur Conan Doyle
Adaptadora: Nuria Pradas
Ilustrador: Felipe López Salán
Edita: Hermes Editora General, SAU - Almadraba Editorial

Género: Literatura Juvenil en Castellano - Narrativa

En El perro de los Baskerville, Sherlock Holmes aplica su pensamiento lógico y racional para vencer las supersticiones de una antigua leyenda que atribuye la muerte de Sir Charles Baskerville a un perro infernal.

Holmes se instala a escondidas en Baskerville y, mientras el fiel doctor Watson cuida de Sir Henry, el heredero de la saga, va recopilando pruebas hasta que encuentra al verdadero asesino de Sir Charles. Al mismo tiempo descubre sus motivos secretos para cometer el crimen y, también, para intentar matar al nuevo señor de Baskerville.

ISBN: 978-84-8308-764-0
Nº de páginas: 86
Encuadernación: Tapa blanda
Formato: 16 x 21 cm

xoves, 27 de febreiro de 2020

PIRATAS NO RECREO


PIRATAS NO RECREO
Autor: Miguel Ángel Alonso Diz
Ilustradora: Luz Beloso
Edita: Belagua Ediciones y Comunicación, SL

Xénero: Literatura Infantil en Galego - Contos

Idade recomendada: +6 anos

Piratas no recreo aborda con naturalidade a realidade trans.

A forza dos versos e das imaxes busca elevar unha mensaxe de respecto á diversidade, xa que todas as persoas somos diferentes, únicas.

Porque cómpre educar para transformar e concienciar para ser.

ISBN:  978-84-946959-9-5
Nº de páxinas: 27
Encadernación: Tapa blanda
Formato: 23 x 23 cm

mércores, 26 de febreiro de 2020

MITOS E LENDAS DA GALICIA MÁXICA


MITOS E LENDAS DA GALICIA MÁXICA
Autor: José Luis Casteleiro Santos
Ilustrador Carlos Sardiña
Edita: Hércules de Ediciones, SL

Xénero: Literatura Galega - Narrativa

A mitoloxía galega bebe de moitas fontes e é herdeira de diferentes tradicións, entre elas da mitoloxía clásica, nórdica e bretoa. Tamén recolle trazos dos antigos contos populares europeos e do bestiario medieval, polo que moitos dos relatos que compoñen o seu extenso imaxinario teñen os seus equivalentes en outras culturas. Estes mitos foron obxecto de especial interese para os grandes clásicos da literatura galega; mais, hoxe en día, encóntranse practicamente esquecidos e resultan descoñecidos para boa parte dos galegos.

Polo tanto, a nosa intención con este libro foi recompilar e ilustrar, de xeito sinxelo pero vistoso, algúns daqueles mitos e lendas máis representativos, co obxectivo de contribuír á súa divulgación, tamén entre os máis novos, como exemplo da exorbitante riqueza que conforma a nosa tradición folclórica, de inmenso valor cultural e patrimonial.

ISBN: 978-84-120336-1-8
Nº de páxinas: 39
Encadernación: Tapa blanda
Formato: 30 x 22 cm

martes, 25 de febreiro de 2020

A MEIGA CHUCHONA


A MEIGA CHUCHONA
Autor: Jacobo Paz Limia
Ilustrador: Xosé Tomás
Edita: Baía Edicións

Xénero: Literatura Infantil Galega - Contos

Idade recomendada: +6 anos

"Teño medo na casa da avoa, alguén fai uns ruídos arrepiantes pola noite.. Quen será? Que busca?

Sabiades que hai meigas que son as responsables de que haxa nenos e nenas esmirriados/as...?

ISBN: 978-84-9995-299-4
Nº de páxinas: 32
Encadernación: Tapa dura
Formato: 15,5 x 19,5 cm

luns, 24 de febreiro de 2020

"A VIAXE DE ROSALÍA" con LARRAITZ URRUZOLA

Hoxe día 24 de febreiro é o DIA DE ROSALÍA DE CASTRO polo que vos convidamos a que aproveitedes este día para ler calquera das obras en prosa ou en poesia da autora, e tamén para agasallar con libros en galego e unha flor a todos aqueles do voso entorno que o teña merecido por calquera motivo.

En Bibliopazos iniciamos as actividades deste ano conmemorando o 183 aniversario do nacemento de ROSALÍA DE CASTRO cun espectáculo de técnica mixta de traballo de narración, interpretación e títeres "A VIAXE DE ROSALÍA" que será representado pola actriz LARRAITZ URRUZOLA.


Nesta viaxe, deseñada para todos os públicos, escrita e dirixida por Lucho Penabade"Francisca do Campo, cóntanos a historia da súa querida afillada ROSALÍA DE CASTRO. Cargada de maletas, teas, zapatos e libros, compartirá con nós a traxectoria dun símbolo irrenunciable para a cultura galega. Larraitz válese de monicreques de mesa de grande talla artística e das ferramentas da narración oral para que coñezamos as pasaxes máis importantes da vida de Rosalía e a súa obra literaria".

Terá lugar o 28 DE FEBREIRO ÁS 13:00  HORAS NO AUDITORIO DO CONCELLO e a él están convidados os alumnos de 5º e 6º de Primaria e de 1º a 4º de ESO do CPI "Curros Enríquez" de Pazos e os usuarios da Asociación  ASPAVI.

Esta actividade forma parte do programa de animación á lectura e de dinamización da lingua galega da Biblioteca Pública Municipal de Pazos de Borbén - BiblioPazos do ano 2020 organizado polo Concello de Pazos de Borbén e no que colabora a Deputación de Pontevedra.


O GALEGO MOLA


O GALEGO MOLA
Palabras da miña vida
Autor: Isabel Villanueva "Isashopaholic"
Edita: Hércules de Ediciones, SL

Xénero: Lingüística

Este é un libro diferente, especial.

A autora dáse a coñecer a través de dúas ducias de palabras galegas, palabriñas da súa vida. Palabras coas que se criou, que usa acotío e que a transportan a momentos da súa infancia.

Con estas vinte e catro palabras vainos levar a coñecer tradicións de Galicia e vainos a trasladar a situación e acontecementos que, con toda certeza, moitos de vóz tamén vivites.

Gozade moito do porque "O GALEGO MOLA".

ISBN: 978-84-949843-8-9
Nº de páxinas: 27
Encadernación: Tapa blanda
Formato: 24 x 16,5 cm


MORTIÑA


MORTIÑA
Autora e ilustradora: Barbara Cantini

Tradución: Rosa Marta Gómez Pato e Manuel González González
Edita: Hércules de Ediciones, SL


Xénero: Literatura Infantil en Galego - Contos

Idade recomendada: +6 anos

Mortiña é unha nena, pero non é coma as demais: é unha nena zombie. Vive en Vila Decadente coa súa tía Defuntiña e o seu inseparable Tristeiro, un can que non se sabe se está vivo ou morto. A Mortiña encantaríalle ter amigos da súa idade cos que xogar e divertirse, pero a súa tía prohibiulle deixarse ver: Podería asustar a xente.

Un día preséntaselle unha oportunidade única: a festa de Halloween! Mortiña nin sequera ten que disfrazarse... Pero que pasará cando os demais nenos descubran que non leva máscara?

ISBN: 978-84-949176-1-5
Nº de páxinas: 48
Encadernación: Tapa dura
Formato: 14,5 x 21,5 cm

domingo, 23 de febreiro de 2020

DÍA DE ROSALÍA DE CASTRO 2020 - 183 ANIVERSARIO DO SEU NACEMENTO

Mañá é o día 24 de febreiro, unha nova xornada para celebrar e festexar outro ano máis á nosa poeta nacional, ROSALÍA DE CASTRO no 183 aniversario do seu nacemento.

MARÍA ROSALÍA RITA DE CASTRO naceu en Santiago de Compostela o 24 de febreiro de 1837. A súa vida é unha historia realmente apaixonante, chea de interese historico, cultural e intelectual.

O seu relato é entender desde a perspectiva dunha rapariga filla de nai solteira e fidalga as claves sociais do seu tempo; é asistir en primeira fila como moza, en Santiago, e en Madrid, a un proceso de formación rico e complexo; é seguirlle os pasos, en Vigo, na Coruña, en Lestrobe... á súa densa creación literaria e mais ao proxecto que acabou orixinando a Galicia dos nosos días.

Hoxe as investigacións biográficas sobre a súa figura supuxeron claros avances no debuxo dos seus principais perfís. Aínda así, continúa a ser un reto estudala e explicala na súa totalidade e na súa complexidade.

Máis información sobre a vida e obra de Rosalía de Castro facendo click AQUÍ.

BiblioPazos adhírese a esta homenaxe á autora a través desta nova no blog e da actividade "A VIAXE DE ROSALÍA" a cargo da actriz LARRAITZ URRUZOLA que terá lugar o próximo venres día 28 de febreiro ás 13:00 horas no Auditorio do Concello e na que participarán os alumnos de 5º e 6º de Primaria e de 1º a 4º de ESO do CPI "Curros Enríquez" de Pazos e os usuarios da Asociación ASPAVI.


VENTE, RAPASA (II)

-¡Vágate Dios,
que inda os figos son duros!
¡Mais qué fartiña
en estando maduros!

El e mais eu
i a comadre de abaixo
hemos de ter
que alargar o refaixo.

Rica figueira
que Dios te bendiga,
que hasme, abofé,
de fartar a barriga.

¡Jei!, o dos ovos
que vas de camiño,
¿cántas duciñas
topache no niño?

¡Unha nomáis!
¡No me teño ca risa!
Ése éche un conto
que vai para a misa.

Dáme acá seis,
que un fricol che faría,
que ó mesmo rei
que envidiar lle daría.

Xa que non qués,
no camiño che colla
vento de vira
cun saco de molla.

Rosalía de Castro "CANTARES GALLEGOS"
Fragmento do poema "Vente, rapasa"

Velaquí unhas imaxes coas portadas das súas obras e que temos en BiblioPazos a disposición dos lectores e usuarios. Podedes localizalas no catálogo da biblioteca ou preguntar ao persoal da biblioteca.



Sumámonos tamén á proposta da Asociación de Escritoras e Escritores en Lingua Galega que propón desde o 2010 á cidadanía que neste día agasalle un libro en galego e unha flor.

Manifesto da Asociación de Escritoras e Escritores en Lingua Galega no Día de Rosalía de Castro 2020

Ambos errantes polo mundo andamos, dixo a muller. Daquela, as xentes silenciadas, ás que lle roubaran ata as palabras, recuperaron o alento. Fixérono de golpe. Souberon decontado o que eran, o que somos. Transmatria errante nunha humanidade errante. Seres humanos que vagaron e vagan; que pularon e pulan; que morreron e morren na procura do pan e da liberdade. Logo, a muller aquela, desafiando leis masculinas, sentenciou: Toda a terra é dos homes e das mulleres. Toda a terra.
Foi evidente entón que ela xa non precisaba apelidos. Sería sempre Rosalía, e había sinalar futuros e denunciar dores e inxustizas. Errantes polo mundo. 
A súa palabra inzou poderosa, precisa, contundente. Outra vez os vaivéns da fertuna / para lonxe me arrastran, afirmou, así que axiña entendemos que os camiños nos igualan e os tránsitos nos fan humanos.
Si, Ambos errantes polo mundo andamos! Elas e nós. Ti e mais eu. Nosoutres.
Camiñamos. Marchamos. Fuximos. E, no medio do desamparo, da dor da partida, do mundo deixado e do degoirado, Rosalía amosou o desconsolo de migrar e o afliximento de ficar. Tamén nos aprendeu a ollar, a saber, a ser. Dende entón a nosa voz foi para sempre palabra de muller. No éxodo infinito. A nosa voz errante polo mundo.
Velaquí talvez o inaudito. Rosalía, unha daquelas que debían ser silenciadas pola forza, daquelas que pretenderan enmudecer tantos deuses e leis dun heteropatriarcado opresivo, ergueu a palabra libre e entregóunola. Será por iso que habemos ser unha  anomalía? Unha transmatria errante con voz de muller. Unha nación errante que nos iguala no camiño coas desposuídes. Ambas errantes polo mundo.
Mais que é de Rosalía agora? Vivimos tempos duros, sen dó, nos que rexorden discursos de odio e medo. Decotío, vemos homes que acenan carraxes co seu dedo. Berregan palabras de ferro. As vítimas son sinaladas polos verdugos. No entanto, nesta transmatria nosa conservamos armas lilas contra a desolación. Fabricounas unha muller con versos irredentos. Vacinas contra a xenofobia que han formar parte do noso ADN. Sermos errantes ha impedir que a arañeira do odio medre no corazón. Grazas a Rosalía temos o sangue envelenado coa afouteza das que foxen. Infectado con versos que denuncian e nos fan ser as outresA miseria está negra en torno deles / ai!, i adiante está o abismo!, dixoSi, o abismo. Cemiterios no mar. Refuxiadas. asasinadas. O silencio.
Cremos por iso en identidades errantes, aquelas que elixamos nós. Ninguén ha decidir o noso xénero nin os afectos. Ninguén nos ha retirar dereitos nin nos ha facer súbditas. Ninguén nos ha expulsar de ningures, porque Rosalía instalou en nós a insubmisión de ser e un futuro para soñar. El serán os seus versos un andazo? Insubmisión na denuncia da violación e da violencia de xénero: que morden si acariñan, que cando miran queiman/ que dan dores de raiba, que manchan e que afrentan. Insubmisión contra o poder e o capital: Embargaránnos todo, que non teñen/ esas xentes conciencia, nin tén alma. Insubmisión contra quen coloniza, contra quen explota: déronlle fel por bebida/ peniñas por alimento.
É difícil imaxinarnos sen Rosalía, como é difícil alentar sen ar ou vivir sen auga. É difícil entendérmonos sen nos saber errantes. Fagamos vivos os seus versos en cada persoa que foxe, en cada ser humano que chimpa un muro, que se bota ao mar, que decide o seu futuro e a súa identidade libremente. Levamos no sangue a valentía de quen camiña e, grazas a Rosalía, sabemos que as errantes tamén somos nós. Contra o medo e a intolerancia. Errantes polo mundo e sempre libres!

Daniel Asorey
Asociación de Escritoras e Escritores en Lingua Galega (AELG)
#ErrantesPoloMundo_rdc_20


OS ESQUELETOS DIVERTIDOS


OS ESQUELETOS DIVERTIDOS
Texto e ilustracións: Janet & Allan Ahlberg
Tradución: Sandra e Óscar Senra Gómez
Edita: Kalandraka Editora, SL

Xénero: Literatura Infantil en Galego - Contos

Idade recomendada: +5 anos

Unha divertida historia protagonizada polos esqueletos dun home, dun neno e dun can que saen unha noite a pasear e a asustar xente.

Lonxe de infundir medo, son personaxes simpáticos e alegres que o pasan ben -e os lectores canda eles- xogando, cantando e ata atemorizándose os uns aos outros. Pero os dous primeiros son tan despistados que para reconstruíren os ósos desmontados da súa mascota arman un tremendo, cómico e melódico lío.

Xogos e cancións nunha lectura terrorificamente divertida.

ISBN: 978-84-8464-384-5
Nº de páxinas: 32
Encadernación: Tapa dura
Formato: 21,5 x 28 cm

MONGO BLANCO


MONGO BLANCO
Autor: Carlos Bardem
Edita: Penguin Random House Grupo Editorial, SAU

Género: Literatura Castellana - Narrativa

Tras la muerte de su padre, el joven malagueño Pedro Blanco se echa a la mar en busca de un futuro mejor. Gracias a su pericia y fuerza de voluntad, escala posiciones hasta convertirse en Mongo Blanco, uno de los grandes negreros del siglo XIX. Pero la traición de una persona muy cercana a él lo llevará al comienzo de su caída en desgracia.

Así se lo cuenta a su médico desde el manicomio en el que está encerrado sin sospechar que su historia todavía no ha terminado, ya que alguien de su pasado ha vuelto para cobrarse una deuda pendiente. En el ocaso de su vida, Mongo Blanco tendrá ocasión de redimirse o ser finalmente víctima de sus excesos.

Carlos Bardem vuelve a la escritura con la apasionante epopeya de un personaje real, el poderoso y legendario Mongo Blanco, en una épica y ambiciosa novela de aventuras plagada de acción.

España, Cuba o África son algunos escenarios de un envolvente relato ricamente ambientado, profusamente documentado y escrito con un nivel de detalle y emoción tan asombroso, que ningún amante de la novela histórica, de aventura o de la literatura en general podrá dejar pasar.

ISBN: 978-84-01-02264-7
Nº de páginas: 615
Encuadernación: Tapa dura
Formato: 16 x 23,5 cm

sábado, 22 de febreiro de 2020

INICIO DA PROGRAMACIÓN DE ACTIVIDADES DO ANO 2020

Empezamos coas actividades do programa de animación á lectura e de dinamización da lingua galega da Biblioteca Pública Municipal de Pazos de Borbén - BiblioPazos do ano 2020.

A programación desenvolverase ao longo de todo o ano e incluirá moitas e diversas actividades dirixidas ao público infantil, xuvenil e adulto intentando acaparar moitos ámbitos da educación e da cultura: ciencia, maxia, contacontos, encontros con autores, narración oral, poesía, homenaxes a autores e escritores, conmemoracións de días mundiais e internacionais, educación sobre o patrimonio local tanto inmaterial como natural, artístico, histórico; actividades de dinamización con música, teatro e danza, etc.

Como en anos anteriores, pretendemos contribuír á promoción da lectura como un vehículo de enriquecemento e de aproveitamento persoal, ofrecendo un espazo de encontro para descubrir e compartir. Así intentaremos ofrecerer un conxunto de actividades para achegar á cidadanía á lectura e á información dunha maneira lúdica e atraente.

E tamén queremos seguir reforzando o carácter de espazo aberto da biblioteca, ao tempo que alentar a aprendizaxe e a descuberta a través dos recursos que as bibliotecas proporcionan.

Pois ben, iniciámos as actividades conmemorando o 183 aniversario do nacemento de ROSALÍA DE CASTRO que se celebra tódolos anos o día 24 de febreiro.

E o imos facer cun espectáculo de técnica mixta de traballo de narración, interpretación e títeres denominado "A VIAXE DE ROSALÍA" que será representado pola actriz LARRAITZ URRUZOLA.

Nesta viaxe, deseñada para todos os públicos, escrita e dirixida por Lucho Penabade, "Francisca do Campo, cóntanos a historia da súa querida afillada ROSALÍA DE CASTRO. Cargada de maletas, teas, zapatos e libros, compartirá con nós a traxectoria dun símbolo irrenunciable para a cultura galega. Larraitz válese de monicreques de mesa de grande talla artística e das ferramentas da narración oral para que coñezamos as pasaxes máis importantes da vida de Rosalía e a súa obra literaria".

Terá lugar o 28 de febreiro ás 13:00 horas no Auditorio do Concello e a él están convidados os alumnos de 5º e 6º de Primaria e de 1º a 4º de ESO do CPI "Curros Enríquez" de Pazos e os usuarios da Asociación ASPAVI.

Continuaremos coas actividades o día 4 de marzo ás 13:00 horas tamén no Auditorio do Concello no que teremos con nós á escritora e poeta YOLANDA CASTAÑO  que nos traerá a actividade "MULLER, POETA, EN GALEGO... E POLO MUNDO!" coa que conmemoraremos o Día Internacional da Muller.

"Abrirse paso nunha profesión tan machista coma outras e facelo como muller, galega e poeta non amedrentou a quen comezou con só 17 anos. Nunha charla amena, íntima e empoderadora, aderezada con anécdotas e poemas, unha das poetas máis populares e internacionais contaranos como analizou, atopou explicación e máis tarde superou os obstáculos, prexuízos e actitudes patriarcais con enerxía e esperanza".


Están convidados a asistir a este evento os alumnos de 6º de Primaria e de 1º a 4º de ESO do CPI "Curros Enríquez" de Pazos e os usuarios da Asociación ASPAVI.

E seguiremos homenaxeando á muller, traballando pola igualdade e pola nosa lingua galega  a través da participación do Concello de Pazos de Borbén na VIII Edición do Festival Internacional de Narración Oral Atlántica, na que colaboramos cos seguintes espectáculos:

O mércores 11 de marzo, ás 13:00 horas no Auditorio do Concello visitará Pazos de Borbén o músico coruñes PABLO DÍAZ que nos traerá o seu espectáculo para público infantil e familiar "CONTANDO NÚMEROS E CANTANDO CORES".

"Ao longo da súa traxectoria profesional, Pablo Díaz decatouse do importante que é para os cativos tratar e reflexionar sobre a igualdade de oportunidades entre nenos e nenas, maiores e pequenos, equidade, e sobre todo respecto ás persoas que desde o principio das nosas vidas debemos valorar.

Para conseguir este obxectivo, o artista utilizará contos, algúns deles con música, para rematar cun pequeno concerto con cancións que versen sobre esta temática e tamén algúns dos seus temas máis populares".

Están convidados a asistir a este evento os alumnos de Infantil e 1º a 4º de Primaria do CPI "Curros Enríquez" de Pazos e os usuarios da Asociación ASPAVI.


O venres 13 de marzo e tamén ás 13:00 horas no Auditorio do Concello visitaranos o actor, director, docente, productor e distribuidor teatral RAMIRO NEIRA que nos traerá o seu espectáculo para público infantil e familiar "PREPARADOS, LISTOS, XA!" no que "a través de contos e cancións dos distintos continentes e distintas culturas que conforman o planeta onde vivimos, os nosos protagonistas tentarán de superar, coa axuda do público, unha proba que ninguén ata o de agora foi quen de lograr: dar a volta ao mundo en menos dunha hora!"

A entrada a todas estas actividades é de balde ata completar o aforo do local pero é necesaria a inscrición previa na Biblioteca chamando ao teléfono 986 497 273.


VINDE A PARTICIPAR NAS ACTIVIDADES DE BIBLIOPAZOS!!!

ESPERÁMOSVOS!!!


BUSCAR NO BLOG


gadgets para blogger