Corrector de galego imaxin Galgo 2.0

Galgo

O corrector imaxin Galgo é o primeiro corrector que soluciona non só erros de carácter tipográfico e ortográfico, senón tamén léxicos, que se poden atopar en textos escritos en galego.

Esta nova versión de imaxin Galgo actualiza e mellora esta ferramenta, pensada para a análise dos problemas de carácter ortográfico e léxico que poidan aparecer en textos escritos en galego.

Para informarte e descargalo clica AQUÍ.

FIREFOX 16 EN GALEGO

Xa é posible descargar o Firefox 16 en galego

martes 9 de outubro do 2012, por Marcus Fernández |

Unha vez máis, antes do seu anuncio oficial chega aos servidores de Mozilla a nova versión en galego do seu navegador web Firefox, que xa podemos descargar de balde para Windows, OS X e Linux. Entre as novidades do Firefox 16 temos soporte de VoiceOver para OS X (que vén agora activado de xeito predeterminado, soporte inicial de aplicacións web en Windows, Mac e Linux e incorporación dunha nova lingua (o acholi, propia de Uganda).

A nova versión de Firefox tamén mellorou a recolección de lixo incremental para Javascript, incorporou unha nova barra de ferramentas para desenvolvedores (que tamén agradecerán novas funcionalidades CSS3) e corrixiu erros detectados en versións anteriores á oficial.

Se o queres descargar CLICA AQUÍ.

"DIA INTERNACIONAL DA BIBLIOTECA 2012"

O próximo día 24 de outubro celebraráse  o “DIA INTERNACIONAL DA BIBLIOTECA”.

Cada ano este día vénse celebrando por iniciativa da Asociación española de Amigos do Libro Infantil e Xuvenil, no ano 1997. Ese primeiro ano e ata o 2003 as celebracións realizáronse en Madrid, e foi a partir de 2004 cando xordeu a idea de celebrar este día en diferentes comunidades autónomas, dado que hai socios estendidos por toda a xeografía española. Así no 2004 celébrase en Toledo (Castela-A Mancha); no 2005 en León (Castela e León); no 2006 en Xaén (Andalucía); no 2007 en Teruel (Aragón); no 2008 en Santiago de Compostela (Galicia); no 2009 nas Palmas de Gran Canaria (Canarias); no 2010 en Mérida (Estremadura), no 2011 en Vitoria-Gasteiz (País Vasco); e este ano 2012 elixiuse a cidade de Alcalá de Henares (Madrid) para a efeméride, e co patrocinio do Ministerio de Educación, Cultura e Deporte preparouse o cartel, ilustrado por Juan Ramón Alonso co pregón de José Mª Gutiérrez de la Torre, para a súa difusión entre as bibliotecas de toda España.

A Asociación Española de Amigos do Libro Infantil e Xuvenil está a preparar a celebración do Día da Biblioteca, coincidindo cos creadores, os editores e cantos difunden os bos libros en valorar a importancia da lectura na nosa sociedade, especialmente entre os nenos, nenas e mozos.

Os OBXECTIVOS da celebración deste día son: 

1. Dar a coñecer á poboación a existencia das distintas bibliotecas públicas, escolares e hospitalarias, e informar sobre os recursos existentes e as súas diferentes posibilidades de uso. 
2. Conseguir que os medios de comunicación divulguen a función que realizan as bibliotecas, as súas actividades e a súa colaboración con outros sectores tanto públicos como privados. 
3. Render unha homenaxe a todos os bibliotecarios do país, en recoñecemento do seu esforzo, dedicación e motivación á lectura. 
4. Fomentar actividades de creatividade, información, coñecemento e promoción da lectura.
5. Impulsar proxectos nas bibliotecas para que estas sexan centros de aprendizaxe permanente, coa axuda do existente e as novas tecnoloxías. 
6. Orientar e apoiar especialmente os servizos bibliotecarios que traballan con nenos, divulgando a variedade e calidade dos libros que axudan a tomar decisións persoais á hora de ler.
7. Asesorar a pais, nais e mediadores na difícil tarefa de seleccionar libros infantís e xuvenís de calidade. 
8. Ofrecer, de igual forma, a ilustración dos libros que achega unha aprendizaxe de lectura de imaxe, diferente do da narrativa e que, ás veces, é tan interesante ou máis que o propio texto narrativo. 
9. Estimular dende as institucións bibliotecarias a narración oral, como punto de partida para unha posterior lectura persoal. 
10. Contribuír á renovación de fondos bibliográficos para nenos e mozos dalgunhas institucións, mediante a doazón de fondos existentes na asociación achegadas por distintas editoriais. 



PREGÓN DEL DÍA DE LA BIBLIOTECA

24 DE OCTUBRE DE 2012

¡Venid, venid todos! Bebés y niños, chicos y chicas, jóvenes y adultos de todos los orígenes, de todas las edades y de toda condición. ¡Venid a la Biblioteca! Entrad en este inmenso y hermoso jardín, multicolor y polifónico, donde crecen las más hermosas flores de la cultura humana: todo lo que sabemos y todo lo que imaginamos los seres humanos, las crónicas y los sueños, las batallas y los carnavales, las fiestas y los duelos... todo está aquí recogido y bien clasificado en sus estanterías, accesibles para que vosotros disfrutéis del placer de la lectura.

...

Para seguir lendo o pregón clica AQUÍ.

Recomendación de lectura para adultos

"Once minutos" de Paulo Coelho:

 
Maria é dun pobo ao norte de Brasil. Aínda adolescente, viaxa a Río de Janeiro, onde coñece un empresario que lle ofrece un bo traballo en Xenebra. Alí, Maria soña con encontrar fama e fortuna pero acabará exercendo a prostitución. A aprendizaxe que extraerá das súas duras experiencias modificará para sempre a súa actitude ante si mesma e ante a vida. Once minutos é unha novela que explora a natureza do sexo e do amor, a intensa e difícil relación entre corpo e alma, e como alcanzar a perfecta unión entre ambas as dúas. Once minutos ofrece ao lector unha experiencia inigualable de lectura e reflexión.

Kalandraka,Premio Nacional a la Mejor Labor Editorial 2012

 

	A editorial Kalandraka obtivo o Premio Nacional á Mellor Labor Editorial Cultural correspondente ao ano 2012, que concede o Ministerio de Educación, Cultura e Deporte, polo “seu compromiso coa literatura infantil, destacando o coidado dos textos, xunto coa calidade da ilustración e a adicación a xéneros máis complexos como a poesía”.   Para ler máis CLICA AQUÍ

Talleres de escrita REDELIBROS

Gústavos escribir? Queredes profundar no coñecemento das técnicas narrativas fundamentais para capturar a atención e o interese do lector: a creación de personaxes, o tempo e o ritmo da narración, os trucos do oficio, a consecución dun estilo propio, etc.? 

Se é así, tomade nota: durante o fin de semana do 26 ao 28 de outubro, na Casa Grande do Bachao, preto de Santiago, organizamos o primeiro Taller de escrita Redelibros. Durante dous días, nunha contorna ben fermosa, alternaremos a teoría narrativa co debate aberto, o fomento da creatividade e a imaxinación, a realización de exercicios narrativos e a análise individual e colectiva dos traballos dos participantes. Falaremos tamén da actuali dade editorial e trataremos de orientarvos nos camiños para acadar a publicación das vosas obras. 

Inscrición aberta ata o 15 de outubro! Queres máis información? Fai clic aquí.

Humor - Mr. Bean na Biblioteca

Día Mundial dos Docentes

Hoxe, 5 de outubro celébrase o Día Mundial dos Docentes Co slogan "apoia aos teus docentes", as organizaciones internacionais elaboraron un manifesto no que sinalan que os docentes son a base dunhas escolas de calidade, e as escolas de calidade son os piares dunhas comunidades sas e democráticas. O manifesto dí así (Texto en castelán): "Para lograr los objetivos de la Educación Primaria Universal para 2015, se estima necesario crear 1,7 millones de puestos docentes. Con la contratación de docentes nuevos, debemos seguir mejorando la calidad de la enseñanza y del aprendizaje. Instamos a los gobiernos a proporcionar a los y las docentes acceso a la formación y desarrollo profesional continuo, basados en las cualificaciones apropiadas. Atraer docentes comprometidos y distintos requiere entornos laborales que valoren la autonomía y la igualdad profesional. El profesorado necesita apoyo para llevar a cabo sus responsabilidades respecto al estudiantado y directores de las escuelas, los sistemas educativos y las autoridades públicas deben escuchar sus voces. Los salarios de los y las docentes deben fijarse de forma objetiva y equitativa, con una remuneración acorde con la importancia de la profesión y las cualificaciones y responsabilidades de cada docente particular. Los docentes, a su vez, deben actuar de forma responsable respecto de sus estudiantes y sus comunidades. Asimismo, debemos fomentar que la profesión docente elabore y aplique códigos de conducta del personal docente basados en los estándares éticos y profesionales más altos, y que se centre en el objetivo de enseñar a todos los estudiantes de forma efectiva e igual. Este Día Mundial de los Docentes es una oportunidad para rendir homenaje a las mujeres y los hombres que nos inspiran, nos retan y nos educan. En este día, instamos a la creación de entornos docentes solidarios, formaciones docentes adecuadas y garantías de los derechos de los docentes. Debemos romper el círculo vicioso del declive de las condiciones profesionales de los docentes con vistas a mejorar la calidad del aprendizaje de todos. El mundo espera mucho de los docentes - ellos, a su vez, hacen bien al esperar lo mismo de nosotros. Este Día Mundial de los Docentes es una oportunidad para apoyar a tus docentes". Irina Bokova, Directora General, UNESCO  Guy Ryder, Director General, OIT  Helen Clark, Administradora, PNUD  Fred van Leeuwen, Secretario General, Internacional de la Educación Esta noticia a podes ler na paxina web de COMFIA:http://www.comfia.info/noticias/73030.html

Recomendación de lectura infantil (3-6 anos)

Elmer de David Mckee

Elmer é un membro moi especial da súa manda. A súa pel multicolor fai que os seus compañeiros sempre reparen nel e rían, ás veces con el, ás veces del. Elmer non pode durmir de pensar que está canso de ser diferente aos demais, así que decide tomar unha medida radical: tomba as bagas dunha árbore e frégase con elas ata quedar completamente cuberto de gris. Non obstante, ao regresar á manda será cuestión de tempo ata que mostre as súas verdadeiras cores... a serie Elmer contén libros ilustrados a toda cor que contan as aventuras de Elmer, un elefante completamente diferente a todos os demais da súa manda. Elmer, en efecto, non é gris; a súa pel é como feita de retallos de vivas cores. Esta condición faino un membro moi especial da manda pero, ante todo, un membro carismático, divertido e cheo de afecto polos demais. Polo seu espectacular colorido e pola sinxeleza das súas historias, os libros de Elmer son especialmente apropiados para primeiros lectores e para a lectura en voz alta para os nenos máis pequenos e os bebés.

 Vídeo en Youtube

Os Bolechas chegan á tele!

Os Bolechas chegan á tele!

 

Unha das liñas de traballo prioritarias da Secretaría Xeral de Política Lingüística é apoiar a transmisión da lingua galega aos máis pequenos. Esa é unha tarefa que, hoxe en día, as familias comparten con outros axentes de socialización, coma as escolas infantís e os medios de comunicación. Por iso, é importante para o obxectivo de promover o idioma propio de Galicia entre os máis pequenos contar cunha boa oferta de programas infantís na nosa lingua. E por iso a Secretaría Xeral de Política Lingüística, en colaboración coa Compañía de Radio Televisión de Galicia e a editora e produtora Bolanda, lanza unha serie infantil de televisión baseada nas aventuras dunha familia moi especial: Os Bolechas.

Os Bolechas
Quen non coñece a Carlos, Loli, Pili, Braulio, Sonia, Tatá e Chispa? Que neno galego non se sentiu identificado con algún deses personaxes que van a un parque ou a unha escola coma a súa, participan nas mesmas actividades extraescolares e fan excursións polas mesmas vilas e aldeas que coñece?

Os Bolechas, galegofalantes, son un referente para os cativos e cativas de Galicia, un modelo divertido que permite asociar a lingua galega a elementos positivos. Despois do éxito acadado coas súas historias en papel, debuxadas e escritas polo xenial Pepe Carreiro, entran nos fogares galegos tamén pola porta da televisión. Que o pasedes ben con eles! 

Por fin, na Galega
A serie de televisión Os Bolechas arrinca con oito capítulos de seis minutos de duración que serán emitidos tres veces ao día a través da segunda canle da TVG, no marco do espazo infantil Xabarín Club. Tamén os atoparedes, canda outras moitas sorpresas, na web da CRTVG: www.crtvg.es/infantil/programas/os-bolechas.

O conselleiro de Cultura e Educación, Xesús Vázquez; o secretario xeral de Política Lingüística, Valentín García; a directora-xerente da TVG, Rosa Vilas; o director xeral de Novagalicia Banco, Juan Díaz; o responsable da empresa Bolanda, Antonio Couto, e mais o autor dos Bolechas, Pepe Carreiro, participaron en Santiago, canda máis de 250 escolares de ensino infantil, na festa de lanzamento dos Bolechas na TVG.

Velaquí o avance de presentación, para que vaiades facendo boca:

Na Bibliotecas tedes a vosa disposición as diversas colecións de "Os Bolechas".

Mecanografía e Internet para os alumnos do CPI "Curros Enríquez"

A partir do próximo martes 2 de outubro, a Aula Informática do Centro Antena-Biblioteca Pública Municipal recibirá semanalmente a 83 alumnos dos cursos de 3º, 4º, 5º e 6º de primaria do CPI "Curros Enríquez" para iniciarse no coñecemento das novas tecnoloxías.

Edificio do Centro Antena-Biblioteca Municipal

As clases terán unha duración aproximada dunha hora e media semanal e con elas os alumnos aprenderán: 

• As habilidades e os procedementos necesarios para manexa-lo teclado, o rato e o ordenador en xeral.
• O manexo básico do programa de tratamento de textos Word
• A coñecer as ferramentas necesarias para a aprendizase da navegación por Internet
• As utilidades e as funcións do correo electrónico a dagún programa de comunicación a través de Internet.

Esta actividade, que comezou no pasado curso escolar, é producto da colaboración do Concello de Pazos de Borbén e do Centro Público Integrado "Curros Enríquez" co obxectivo de supera-la fenda dixital e servir de apoio ao proxecto ABALAR para a integración plena das TIC na práctica educativa en Galicia, co obxecto de que os alumnos aproveiten da mellor forma posible os equipamentos e infraestructura tecnolóxicas postos a súa disposición polo centro educativo a través da Consellería de Cultura, Educación e Ordenación Universitaria.

 Alumnos do curso 2011-2012

Curso de "Técnicas de Busca de Emprego"

 

O próximo martes 2 de outubro, comeza o curso de "TÉCNICAS DE BUSCA DE EMPREGO" na Aula Informática do Centro Antena-Biblioteca Pública Municipal, no que participarán 14 alumnos.

Este novo curso está organizado dende o Departamento de Servizos Sociais e será impartido por persoal do concello pertencente ás áreas de Emprego, Servizos Sociais e Centro Antena-Biblioteca. Terá lugar todos os martes, en horario de 10:00 a 12:00, durante os meses de outubro de 2012 ata febreiro de 2013 e cunha duración total de 40 horas.
 

Os obxectivos que se pretende conseguir son que os alumnos participantes:

• Desenvolvan técnicas e estratexias sinxelas de busca de emprego co fin de axudalos á súa inserción laboral nun mundo en permanente cambio.
• Coñezan as novas tecnoloxías de comunicación e aprendan a utilizalas como ferramentas imprescindibles na busca de emprego que lles permita mellorar o seu empleabilidad e a visibilidade do seu perfil profesional.
• Motivalos para que manteñan durante todo o proceso de busca de emprego unha actitude positiva, sendo sistemáticos, planificadores, tenaces e estando en constante movemento para intentar obter mellores resultados.

 O curso estructúrase en dous módulos:

-Módulo de Informática Básica (10 horas): Este módulo achegará aos alumnos ás novas tecnoloxías a través do coñecemento e uso do ordenador, do rato, do teclado, do programa de procesamento de textos Word; a navegar por internet e utilizar o correo electrónico; a coñecer as redes sociais (Facebook, Twitter...), as páxinas web de emprego (Infoempleo, Infojobs..).

-Módulo de Técnicas e estratexias de busca de emprego (30 horas): Qué é un currículum, tipos e cómo se fai; A carta de presentación, qué é, estructura e consellos para facela; Cómo organizar a documentación (títulos, diplomas, contratos de traballo, fotocopias do DNI, carné de conducir...; Os Servizos de Emprego (INEM, SEPE, Servizo Público de Emprego de Galicia...); O autoemprego, etc.

Hai moitas razóns para ler

Clica na imaxe

Saúda do Alcalde

Estimados internautas:

Benvidos ao BLOG da Biblioteca Pública Municipal - Centro Antena do concello.

É intención do goberno municipal mostrar este renovado servicio á todos os veciños e veciñas para que a partir de agora poida ser utilizado tanto persoalmente nas instalacións do centro, como a través de internet.

As novas tecnoloxías farán máis fácil dende agora a prestación deste servizo público tan esencial nun pequeno municipio como o noso, e ademáis facilitará a vosa activa participación a través de internet.

Espero que atopedes na biblioteca un montón de novas aventuras a través dos libros e unha oportunidade para recibir formación e información mediante a utilización dos recursos da Aula Informática.

Desexando que sexa do voso agrado, agardo a vosa participación neste novo blog e na páxina de Facebook que estará operativa próximamente.

Saúdos.

Andrés Iglesias Rodríguez

Día Europeo das Linguas

Día Europeo de las Lenguas. 26 de setembro

Para ir á páxina web clica na imaxe



No ano 2001 a Comisión Europea e o Consello de Europa lanzaron conxuntamente a iniciativa do Ano Europeo das Linguas, cuxa celebración tivo lugar entón pero a súa pegada se renova cada ano co Día Europeo das Linguas, que ten lugar no calendario o día 26 de setembro.


Os obxectivos do Día Europeo das Linguas, en particular para este 2008, son os seguintes: subliñar a importancia de aprender linguas, incrementar o coñecemento e a conciencia do valor das linguas e motivar a aprendizaxe continua das linguas ao longo de toda a vida. Trátase así, á fin e ao cabo, de celebrar a diversidade lingüística e cultural en Europa. O Instituto Cervantes, dende a súa Sede en Madrid e a través das súas sedes no Mundo, súmase un ano máis a esta feliz iniciativa común.

• Índice de actividades (por países)
  - Acto en Bruselas
• «El Día de las Lenguas», artículo del Director Académico del IC
• Debate en el 'Foro Didáctico' del CVC
• Varios recursos en torno ao Día Europeo das Línguas
  - Juego interactivo: ¡Habla conmigo!(Versións en inglés e francés)
  - Cartel, pegatinas y postales (en PDF)
  - Centro de recursos: Lingu@net Europa
• Antecedentes: 2001 - Ano Europeo das Línguas
  - Consejo de Europa: año a año
  - Comisión Europea
  - En el Centro Virtual Cervantes (CVC) 



Para saber máis clica na imaxe

 



MOSCOSO estrea piscina

farodevigo.es » Comarcas

Moscoso estrena la segunda piscina municipal de Pazos

El área recreativa incluye una pista de deportes y un jardín

A.P. - PAZOS DE BORBÉN La parroquia de Moscoso, en Pazos de Borbén, inauguró ayer un área recreativa con piscina y pista polideportiva, así como un espacio ajardinado con una zona de aparcamiento...

Para ler a noticia completa CLICA aquí

Festival Internacional de Títeres de Redondela 2012 (Do 14 ao 20 de Maio)

De novo as rúas, prazas e xardíns redondeláns servirán de escenario para artistas, músicos e titiriteiros das máis variadas procedencias. A organización do evento, compartida pola ASOCIACIÓN XENTE TITIRITEIRA e a Concellería de Cultura do Concello de Redondela, mantén a vocación internacional do FESTIVAL, presentando, nesta ocasión, os traballos e espectáculos de compañías profesionais do Reino Unido, Bulgaria, Dinamarca, Murcia, Cantabria, Madrid Cataluña e Galicia (entre outras). Unha festa da diversidade que encherá de novo Redondela de marionetas de fíos, monicreques tradicionais, vangardas creativas, xogos participativos, animación de rúa e unha chea de sorpresas. Seguindo a filosofía do seu creador, Juanjo Amoedo, o FESTIVAL continúa na liña de involucrar na súa celebración a maior cantidade posible de institucións, de sectores sociais e de xentes da vila, para manter este acontecemento como a maior manifestación cultural de Redondela... máis información

Segue o festival no Facebook

Dia das letras Galegas 2012

O día 17 de maio de 2012 celébrase o Día das Letras Galegas que este ano está adicado a Valentín Paz Andrade (Lérez, Pontevedra, 1899 - Vigo 1987), avogado, xornalista, poeta, home de empresa e persoa vinculada á política galeguista, personalidade multifacética.

Nos seguintes enlaces atoparás máis información:

 

Biografía de Valentín Paz Andrade

Programación Xunta de Galicia

Historia do Día das Letras Galegas

 

Entra no seguinte enlace e realiza estas actividades para resolver en liña.

 

Se queres saber moito máis via á recopilación de recursos sobre Valentín Paz Andrade.

 

Algúns destes enlaces foron obtidos da páxina web do CEIP Nosa Sra. de Xuvencos:

Preme aquí...

Dia Mundial do Libro e Dos Dereitos de Autor 2012 - UNESCO

Mensaxe da Directora Xeral da UNESCO, Irina Bokova, con motivo do Día Mundial do Libro e dos Dereitos de Autor

23 de abril de 2012

Para ler a mensaxe clica na imaxe

23 de Abril, Dia Internacional del Libro 2012

Calquera día e bó para agasallar cun libro, pero hoxe e un día especial.

Ereván (ARMENIA) Capital Mundial do Libro 2012

A cidade de Ereván (Armenia) foi designada Capital Mundial do Libro para o ano 2012 trala reunión celebrada, en París, do comité de selección composto por representantes das tres principais asociacións internacionais do sector do libro e da edición así como da UNESCO.

Ler máis...

Dia do libro, 23 de Abril. Un pouco de Historia

Si queres saber máis sobre o Día Internacional do Libro, pincha no seguinte enlace:

Orixe do Dia Internacional do Libro

O "Bookcrossing´ convírtese na estrela dos actos do Día Internacional do Libro 2012

O Bookcrossing convírtese na estrela dos actos con motivo do Día Internacional do Libro.

O pasado venres os Alumnos de 3º e 4º da ESO do Centro Público Integrado "Curros Enríquez" de Pazos de Borbén rexistraron uns 30 libros que serán liberados en distintos puntos do municipio o próximo luns día 23 de abril, data na que se celebra o "Día Internacional do Libro".

Ver noticias nos seguintes enlaces:

A Xunta, Novagalicia e o Marco únense ao "bookcrossing" con motivo do Día Internacional do Libro"

Museo de Navarra...

BOOKCROSSING cos alumnos de ESO

Os alumnos de 3º e 4º da ESO Centro Público Integrado “Curros Enríquez” de Pazos realizarán o día 20 de abril na Aula Informática do colexio un novo Obradoiro de BookCrossing para conmemorar a celebración do “Día Internacional do Libro” o día 23 de abril, data na que serán liberados os libros rexistrados neste obradoiro.

No mesmo aprenderán a rexistrarse na páxina web www.bookcrossing.com como usuarios e tamén a facelo cos seus libros, a etiquetalos e a liberalos para o disfrute doutros usuarios e dos veciños en xeral.

 

Os Obradoiros serán impartidos por persoal do Centro Antena - Biblioteca Pública Municipal do Concello de Pazos de Borbén, e o Concello aportará gratuitamente os materiais necesarios para etiquetar e liberar os libros.

 

Dende a o Centro Antena e Biblioteca Pública Municipal do Concello de Pazos de Borbén e dende o CPI “Curros Enríquez” de Pazos faise un chamamento aos veciños para que se animen a participar desta actividade de ANIMACIÓN Á LECTURA durante todo este mes no que se celebrou a conmemoración do “Día Internacional do Libro Infantil e Xuvenil” o día 2 de abril e no que se conmemorará o “Día Internacional do Libro” o próximo luns día 23, e os convocan a acudir á Biblioteca Pública para informarse sobre cómo levar a cabo esta actividade.

 

Con este novo obradoiro o Concello de Pazos de Borbén convírtese deste xeito no municipio da provincia de Pontevedra con maior número de exemplares de libros liberados por esta modalidade de Bookcrossing.

 

Os veciños poderán “cazar” os libros liberados entrando na web www.bookcrossing.com para localizados, ou tamén acudindo aos lugares sinalados de liberación: a Casa do Concello, o Colexio Curros Enríquez e a Biblioteca Pública Municipal en Pazos; o Centro Cultural e Recreativo en Moscoso: a Casa do Pensionista en Amoedo; e o Centro Cultural en Nespereira.

Obradoiros de Bookcrossing

Os alumnos de 1º da ESO e 6º de PRIMARIA do Centro Público Integrado “Curros Enríquez” de Pazos liberaron 95 libros nos obradoiros de “Bookcrossing” realizados os días 28 e 30 de marzo na Aula Informática da Biblioteca Pública Municipal do Concello de Pazos de Borbén con motivo da celebración do “Día Internacional do Libro Infantil e Xuvenil”.



Alumnos 6º primaria

 

Despois de ter rexistrados na páxina web http://www.bookcrossing.com/ todos os libros, estes foron etiquetados e distribuídos polas zonas de cruce por todo o concello.

 

Finalmente, nas zonas de cruce, puxéronse a disposición dos usuarios 23 libros no Centro Público Integrado “Curros Enríquez”, 12 na Biblioteca Pública Municipal, e 10 na Casa do Concello, na parroquia de Pazos.

 

Na parroquia de Amoedo entregáronse 11 exemplares na Casa do Pensionista; no Centro Recreativo Cultural da parroquia de Moscoso foron liberados 18 libros; e na Casa da Cultura da parroquia de Nespereira distribuíronse 21 libros.

 

Dende o Concello, a Biblioteca Pública Municipal, o CPI de Pazos e todas as asociacións participantes anímase aos veciños e veciñas a participar desta interesante actividade de animación á lectura durante todo o mes de abril no que tamén se conmemorará o próximo día 23 o “Día Internacional do Libro”.

 

Na Biblioteca Pública Municipal disponse de etiquetas, que serán entregadas gratuitamente a todos aqueles que o soliciten e veñan con algún libro rexistrado na web http://www.bookcrossing.com/ e co seu código correspondente.

 

Con esta actividade o Concello de Pazos convírtese no municipio da provincia de Pontevedra onde mais exemplares foron liberados por esta modalidade de Bookcrossing, superando a concellos como os de Vilagarcía de Arousa, Pontevedra, Poio, Marín e Vigo.

 

Ademais a nivel de toda España este número de exemplares soamente son superados nas provincias de Barcelona, Illas Baleares, Illas Canarias, Madrid, Ourense, Sevilla e Zaragoza.

BOOKCROSSING en Pazos

Recordámosvos que xa tedes 95 libros liberados nos lugares previstos.

 

Centro Cultural de Nespereira.

Casa do Pensionista de Amoedo.

Centro Recreativo e Cultural de Moscoso.

Casa do Concello.

Centro Público Integrado "Curros Enríquez".

Biblioteca Pública Municipal (Antigo Concello).

Canto atopedes un libro liberado insertar o seu código BCID en calquera das seguintes páxinas web:

http://www.bookcrossing.com/

http://www.bookcrossing-spain.com/

http://www.bookcrossing.es/

Gozar da lectura, facer os vosos comentarios, e liberar de novo os libros para que outras persoas poidan tamén gozar deles.

Saúdos.

Dia Internacional do Libro Infantil e Xuvenil

 

Hoxe, 2 de abril, celébrase en todo o Mundo o Día Internacional do Libro Infantil e Xuvenil

Para saber máis, clica na imaxe