martes, 31 de marzo de 2015

LA SEÑAL

LA SEÑAL
Autor: Ángel Gutiérrez y David Zurdo
Random House Mondadori S.A.
Editorial Plaza & Janés
Año de edición: 2008

Género: Novela negra, intriga, terror

26 horas y 46 minutos para cambiar el destino del mundo...

Sabían dónde, sabían cuándo, pero no sabían qué. Algo muy grave va a ocurrir justo después de fin de año.

Un departamento del FBI especializado en detectar desastres mundiales antes de que sucedan capta, a través de los ordenadores de su red, la señal más grande generada hasta la fecha. Saben dónde se va a producir la catástrofe, saben cuándo, pero no saben qué: sólo tienen 26 horas para descubrirlo y neutralizarlo.

Cíclope, director del proyecto y veterano de la guerra de Vietnam, envía a un pequeño pueblo situado en la frontera de E.E.U.U y Canadá a su mejor agente: su hija Maia Kensington. Junto a Ian Moone, un brillante informático que esconde un terrible secreto, Maia tendrá que averiguar qué es lo que va a provocar el fin del mundo, pero para ello deberá enfrentarse a las autoridades, a un asesino en serie, al mismísimo ejército norteamericano y a la peor tormenta de nieve del siglo.

"La señal" promete no dejar ni un respiro al lector desde su vertiginoso comienzo hasta su sorprendente final.

Edición anticipada. Prueba sin corregir.
Encuadernación: Tapa blanda.
Formato:  23 x 15 cm.
Nº de páginas: 471

luns, 30 de marzo de 2015

NOVO HORARIO DE ATENCIÓN AO PÚBLICO


NOTA INFORMATIVA 

En BIBLIOPAZOS, a Biblioteca Pública Municipal - Centro Antena do Concello de Pazos de Borbén, 

ampliamos o horario de atención ao público
 
A partir do día 7 de abril
 
Fai uns días incoroprouse ao centro unha nova compañeira -Mónica- para reforzar o servizo público bibliotecario o que permitirá ampliar o horario de apertura e atención ao público en 12 horas semanais.

O novo horario de atención ao público será o seguinte:

https://www.dropbox.com/s/48q0izxxaren8um/HORARIO%20CENTRO%20ANTENA%20membrete%20a%20partir%2007-04-2015.jpg?dl=0
 
Seguimos ofrecendo o mellor servizo posible aos veciños e veciñas e prestando os nosos servizos habituais:

  • Préstamos de libros, CD's, CD-ROM, DVD's, etc.. 
  • Consulta en Sala de libros, revistas, materiais audiovisuais, etc. 
  • Información e asesoramento sobre busca de información en internet, recomendacións de lectura, servizos e novas tecnoloxías.
  • Acceso a internet gratuíto na Aula Informática.
  • Actividades de promoción da lectura, charlas, obradoiros, etc.
  • Cursos de Formación e Alfabetización Dixital: Mecanografía, Internet e correo electrónico, OpenOffice (Writer, Calc, Impress), Redes Sociais, Busca de Emprego Activo, Creación de Blogs con Bloguer... 
  • Información sobre recursos de Busca de Emprego existentes na rede, e modelos para facer o teu Currículum Vitae e a carta de presentación.

Se desexas ampliar a información sobre os servizos que prestamos e as actividades que levamos a cabo, contacta con nos en:

Rúa Pazos nº 1
36841 Pazos de Borbén
(Pontevedra)

domingo, 29 de marzo de 2015

DÍA INTERNACIONAL DO LIBRO INFANTIL 2015

O vindeiro 2 de abril, aniversario da date de nacemento de Hans Christian Andersen, o IBBY (International Board on Books for Young people) celebra o Día Internacional do Libro Infantil como modo de promoción da lectura entre o público máis novo.



Este ano 2015 o país que exerce como convidado para transmitir unha mensaxe de apoio á lectura son os Emiratos Árabes Unidos.

O deseño do cartel foi realizado pola ilustradora Nasim Abaeian. O texto que o acompaña foi redactado pola escritora Marwa Obaid Rashid Al Aqroubi.

De seguido deixámosvos a mensaxe traducida ao galego por Antía Marante e Sabela González:


Moitas culturas, unha historia

“Falamos diferentes linguas e vimos de
diferentes orixes, mais compartimos as
mesmas historias”
Historias internacionais… historias
tradicionais
É a mesma historia que se nos conta a todos
En diferentes voces
En diferentes cores
Pero permanece inmutábel…
Comezo…
Argumento…
E fin…
É a mesma historia que todos sabemos e
amamos
Todos a escoitamos
En diferentes versións de diferentes voces
Mais sempre é a mesma
Hai un heroe… unha princesa… e un vilán
Non importa a súa lingua, nin os seus
nomes,
Nin as súas caras
É sempre o mesmo comezo,
Argumento
E fin
Sempre ese heroe… esa princesa e ese vilán
Inmutábeis durante séculos
Acompáñannos
Murmúrannos nos nosos soños
Arrólannos para durmir
As súas voces marcharon hai tempo
Pero viven nos nosos corazóns para sempre
Pois únennos nun mundo de misterio e
imaxinación
Para que todas as culturas se fundan nunha
única historia.”


Nasim Abaeian, nada no 1980 en Isfahán (Irán), Nasim pasou a súa infancia en Xénova (Italia), nun ambiente artístico e cheo de inspiración. en 2003 rematou a licenciatura en Comunicación Visual na Universidade Americana de Sharjah (Emiratos Árabes Unidos) e partiu cara aos Estados Unidos para rematar un Máster en Ilustración no Instituto de Arte e Deseño de Savannah. Actualmente, Nassim Abaeian forma parte do profesorado no departamento de Arte e Deseño da Universidade de Zayed (Emiratos Árabes Unidos) e traballa por libre como ilustradora de libros infantís.


Marwa Obaid Rashid Al Aqroubi é unha das figuras máis destacadas da industria do libro infantil nos Emiratos Árabes Unidos e desempeña o posto de presidenta do Comité Exceutivo do Consello dos EAU para os Libros Infantís e Xuvenís (UAEBBY). Contribuiu significativame a promover o Premio Etisalat para a Literatura infantil Árabe, un dos máis importantes dentro da cultura Árabe. Al Aqroubi rematou a licenciatura en Ciencias da Información na Universidade Zayed en Dubai. Desde que publicou o seu primeiro libro Ahmed El Helou (Sweet Ahmed), no que explora unha viaxe arredor das tradicións árabes, o mundo da literatura infantil converteuse no seu primeiro interese.

xoves, 26 de marzo de 2015

AXUDAS PARA REHABILITACIÓN CON GRANITO DAS FACHADAS DE EDIFICACIÓNS DE VIVIENDA EXISTENTES 2015

Dende o Concello nos envían a seguinte información que coidamos será do voso interese: 

AXUDA PARA REHABILITACIÓN CON GRANITO DAS FACHADAS DE EDIFICACIÓNS DE VIVIENDA EXISTENTES 2015
da Consellería de Economía e Industria


Obxecto: Fomentar a rehabilitación con granito de fachadas de edificacións de vivienda existentes en réxime de concorrencia non competitiva. 

Prazo de presentación de solicitudes: Comezará o día seguinte da publicación desta orde no DOG e rematará cando se esgoten os fondos económicos consignados. En todo caso, finalizará aos tres meses do día seguinte da publicación da presente orde.

Beneficiarios: Particulares e comunidades de propietarios. 

Contía das axudas:
  • 110€ po metro cuadrado no caso de fachadas pegadas de granito.
  • 140€ por metro cuadrado no caso de fachadas trasventiladas de granito.
  • 130€ por metro cuadrado no caso de fachadas de perpiaño de granito.
 
Máis información:

Oficina de Orientación ao Emprego e Desenvolvemento local do Concello de Pazos de Borbén, de luns a venres en horario de 9:00h a 14:00h.

AXUDAS PARA RENOVACIÓN DE CUBERTAS CON TELLA CERÁMICA 2015

Dende o Concello nos envía a seguinte información que coidamos será do voso interese:

AXUDAS  PARA RENOVACIÓN DE CUBERTAS CON TELLA CERÁMICA 2015

A Consellería de Economía e Industria da Xunta de Galicia publicou no D.O.G. nº 50 de 13/03/2015 a seguinte:


Obxecto: Fomentar a renovación de cubertas con tella cerámica, en réxime de concorrencia non competitiva, e dicir, ata esgotarse o fondos. 



Prazo de solicitude: Comezará o día seguinte ao da publicación desta orde no DOG e rematará cando se esgoten os fondos económicos consignados. En todo caso, finalizará aos tres meses do día seguinte á publicación da presente orde. 

Beneficiarios: Particulares e comunidades de propietarios. 

Contía das axudas: O custo subvencionable máximo é de 55€ por metro cuadrado de cuberta. A Contía máxima da subvención será do 30% dos custos totais. 

Máis información: 

Oficina de Orientación ao Emprego e Desenvolvemento Local do Concello de Pazos de Borbén, de luns a venres en horario de 9:00h a 14:00h.


    mércores, 25 de marzo de 2015

    CAMPAÑA VERÁN 2015 - CAMPAMENTOS VERÁN XUNTA DE GALICIA

    CAMPAÑA VERÁN 2015-CAMPAMENTOS VERÁN
    XUNTA DE GALICIA

    OBXECTO: ACTIVIDADES DE TEMPO LIBRE EN CAMPAMENTOS E ALBERGES DE GALICIA.

    • Programa de actividades de carácter sociocultural, recreativo formativo e convivencial.
    • Aloxamento en albergue xuvenil, residencia xuvenil ou campamento xuvenil.
    • Manutención en réxime de pensión completa. 
    • Material necesario para a actividade.
    • Equipo técnico de persoal especializado.
    • Atención sanitaria e de primeiros auxilios e seguro de accidentes.
    • Nas actividades desenvolvidas noutas comunidades autónomas inclúese o transporte desde Santiago de Compostela, ou o lugar que se sinale de punto de saída, ata o lugar de destino.

    BENEFICIARIOS:

    • Nacidos entre o ano 1997 (non ter cumplidos os 18 anos á finalización do campamento) e o 2006 (ter cumplidos 9 anos ao inicio do campamento).
    • Persoas que teñan unha discapacidade igual ou superior ao 33% e inferior ao 65% sempre que teñan capacidade de integración nun grupo e que as súas limitacións e/ou necesidades especiais lles permitan manexarse nas instalación do campamento que elixan.

    PRAZO DE INSCRIPCIÓN: ATA O 8 DE ABRIL 2015 

    MAIS INFORMACIÓN:

    OFICINA MUNICIPAL DE INFORMACIÓN XUVENIL DO CONCELLO DE PAZOS DE BORBÉN
    De luns a venres de 9:00 a 14:00 horas
    Teléfono: 986 498 934

    CAMPAMENTOS DE VERÁN DA DEPUTACIÓN PROVINCIAL DE PONTEVEDRA 2015

    CAMPAMENTOS DE VERÁN DA DEPUTACIÓN PROVINCIAL DE PONTEVEDRA 2015 

    CAMPAMENTOS "A LANZADA"

     

    CAMPAMENTOS POLIDEPORTIVOS "PRINCIPE FELIPE"


    ACTIVIDADES:


    Campamento A Lanzada:  Actividades de praia, xogos e deportes, actividades artísticas, actividades nocturnas, teatro e contacontos, baile e actividades culturais.

    Campamento Principe Felipe:  Saídas ó medio natural, parque multiaventura, tiro con arco, deportes en equipo, actividades acuáticas e obradoiros.

    BENEFICIARIOS: 

    Campamento A Lanzada: Mozos e mozas nacidos entre os anos 2002-2007.

    Campamento Principe Felipe: Mozos e mozas nacidos entre os anos 2001-2008.

    PRAZO DE INSCRIPCIÓN: Ata o 1 de Abril de 2015.

    PRAZAS LIMITADAS

    MAIS INFORMACIÓN:

    OFICINA MUNICIPAL DE INFORMACIÓN XUVENIL DO CONCELLO DE PAZOS DE BORBÉN
    Luns a venres de 9:00 a 14:00 horas.
    Teléfono: 986 498 934

    luns, 23 de marzo de 2015

    "A ORIXE" - Espectáculo de contacontos de Raquel Queizás en BIBLIOPAZOS

    https://www.dropbox.com/s/jjpa2flqrcgxnxz/2015-03-27%20raquel%20queiz%C3%A1s%20-%20a%20orixe.jpg?dl=0
     
    Este venres día 27 de Marzo celébrase en todo o mundo o Día Mundial do Teatro.

    Este ano o narrador, ensaísta e tradutor, Xurxo Borrazás foi o encargado de redactar o Manifesto Galego do Día Mundial do Teatro, ao que dará lectura o próximo xoves día 26 de abril na celebración da gala dos XIX PREMIOS MARIA CASARES que terá lugar no Teatro Rosalía de Castro de A Coruña, organizada pola Asociación de Actores e Actrices de Galicia.

    Para conmemorar este importante evento en BIBLIOPAZOS contaremos coa presenza da actriz e contacontos Raquel Queizás, co espectáculo de narración oral, manipulación de obxectos e monicreques "A Orixe" para nenos e nenas a partir de 5 anos.

    Esta sesión de contacontos terá lugar na Sala de Lectura de Bibliopazos a partir das 13:00 horas e nela participarán os alumnos de 6º de Primaria do CPI "Curros Enríquez" de Pazos. 

    Contade o que sabían os antigos para que non desapareza...”
    Unha exploradora chega a biblioteca co afán de compartir as narracións escoitadas nas súas expedicións o longo do mundo. Ante os ollos dun público participativo, a exploradora dramatizará as diferentes lendas, contos e mitos coa axuda de pequenos tesouros recollidos nas súas viaxes.

    A ORIXE é unha recolleita de lendas, mitos e contos de tradición oral de diferentes culturas do mundo.

    Estas historias teñen un dobre propósito: por unha banda son unha forma de educar aos máis novos, (os contos están protagonizados por animais personificados que se debaten entre o uso da forza bruta e o uso da intelixencia para a resolución de conflitos). Por outra banda, moitas destas lendas buscan describir e explicar a orixe do mundo e o lugar que o home ocupa nel, fomentando o respecto pola Natureza.
    No comenzo non existía nin o día nin a noite...” 

    Esta actividade a organiza a Biblioteca Pública Municipal de Pazos de Borbén (BIBLIOPAZOS) e está patrocinada polo Plan Cultural 2015 da Deputación Provincial de Pontevedra.
     

    VEN A BIBLIOPAZOS
    E 
    PARTICIPA DAS ACTIVIDADES!

     

    PROGRAMACIÓN 2015 DE ANIMACIÓN Á LECTURA EN BIBLIOPAZOS

    A Biblioteca Pública Municipal do Concello de Pazos de Borbén (BIBLIOPAZOS) volve coas actividades de Animación á Lectura.

    Este ano 2015 comenzamos o pasado xoves 26 de febreiro co contacontos a cargo de Marisa Irimia e "Alicia no País das Marabillas" no que participaron os alumnos de 4º de primaria do CPI "Curros Enríquez" de Pazos e os usuarios da Asociación de pais de persoas con discapacidade intelectual de Vigo (ASPAVI) que teñen a súa sede en Pazos de Borbén.

    A actividade foi patrocinada íntegramente pola Fundación Filomena Rivero Alonso de Redondela como froito da colaboración do Concello de Pazos de Borbén coa mesma para fomentar a animación á lectura entre a poboación a través da Biblioteca Pública Municipal de Pazos de Borbén.


     


    Continuando coa programación, nos próximos días, e nos meses de Abril e Maio, realizaremos varias activiaddes en colaboración co programa de dinamización da lectura LER CONTA MOITO que se desenrolará ao longo do ano 2015 a través da Rede de Bibliotecas Públicas de Galicia, en colaboración cos concellos e promovido pola Secretaría Xeral de Cultura da Consellería de Cultura, Educación e Ordenación Universita temos programadas actividades moi interesantes. Algunhas das actividades se realizarán coa colaboración do Plan Cultural 2015 da Deputación Provincial de Pontevedra.


    Con esta programación, dende BIBLIOPAZOS preténdemos contribuír á promoción da lectura como un vehículo de enriquecemento e de aproveitamento persoal, ofrecendo un espazos de encontro para descubrir e compartir. Así ofreceremos un conxunto de actividades para achegar a cidadanía á lectura e á información dunha maneira lúdica e atraente.

    O desenvolvemento destas actividades de dinamización no ámbito da biblioteca reforzan o seu carácter de espazo aberto, ao tempo que alentan a aprendizaxe e a descuberta a través dos recursos que as bibliotecas proporcionan. 

    BIBLIOPAZOS comparte os obxectivos do programa LER CONTA MOITO co que se pretende:
    • Fomentar o hábito da lectura no conxunto da poboación, a través dun achegamento á biblioteca que esperte o interese polo que esta pode ofrecer.
    • Fortalecer o papel das bibliotecas como espazo de relación, aberto e participativo, e como axente facilitador da aprendizaxe permanente e da descuberta de novos temas e inquedanzas sociais.
    • Consolidar a programación compartida da Rede de Bibliotecas Públicas de Galicia, coa renovación permanente de propostas atractivas e de calidade.
    • Promover o desenvolvemento cultural como vehículo para o crecemento persoal e colectivo.
    • Valorar o libro e, en xeral, a lectura como elemento de transmisión de coñecemento e de reflexión.

    As actividades previstas para as vindeiras semanas son as seguintes: 


    O venres día 27 de Marzo, ás 13:00 horas na Sala de Lectura de Bibliopazos, conmemoraremos o Día Internacional do Teatro coa actriz e contacontos Raquel Queizás co seu espectáculo de narración oral "A Orixe" dirixido a nenos e nenas a partir de 5 anos. Esta actividade está patrocinada polo Plan Cultural 2015 da Deputación Provincial de Pontevedra.

    O mércores 8 de Abril, a partir das 13:00 horas na Sala de Lectura, contaremos co actor e monologuista (entre outras cousas) Avelino González que cos seus "Contos literarios" fará que os asistentes disfruten dunha sesión moi divertida a través das súas narrarcións orais dramatizadas nas que muda a palabra escrita pola palabra falada. Este espectáculo está dirixido á mocidade e forma parte do programa LER CONTA MOITO. 

    O venres 10 de Abril, ás 11:00 horas na Sala de Lectura terá lugar a actuación do Triatreros Grupo Teatro que nos traerá o espectáculo de narración oral dirixido a nenos e nenas de 4 a 10 anos "Comechíns" no que os cativos e os non tan cativos coñecerán eses inconvintes relacionados cos alimentos, tan habituais hoxe en día... Espectáculo incluído no programa LER CONTA MOITO.

     O xoves 23 de Abril, Día Internacional do Libro, ás 13:00 horas na Sala de Lectura da biblioteca contaremos coa presencia de Enrique Mauricio e Carlos Taboada de Polo Correo do Vento que nos ofrecerán co seu espectáculo "A volta ao mundo en 80 máquinas", conto ilustrado e musicado, sobre unha viaxe arredor do mundo, que homenaxea autores como Julio Verne, os Beatles ou Marilar Alexandre, e que rematará cun obradoiro de debuxo sobre un personaxe da historia. Este espectáculo, dirixido a nenos e nenas a partir de 3 anos, está patrocinado polo Plan Cultural 2015 da Deputación Provincial de Pontevedra. 

    O martes 12 de Maio, na Sala de Lectura, a partir das 13:00 horas terá lugar unha nova sesión de contacontos con Fátima Fernández e o seu espectáculo "Érase unha vez uns zapatos..." dirixido a nenos e nenas de 4 a 12 anos e a colectivos con necesidades especiais: físicas e psíquicas. "Que sería do gato con botas sen as botas, de Cinsenta sen o zapato de cristal, se os trasnos non lle fixesen zapatos ao zapateiro... Sería posible o mundo dos contos que todos coñecemos se non houbese zapatos?". Actividade incluída no programa LER CONTA MOITO.

    O venres 15 de Maio, na Sala de Lectura, a partir das 11:00 horas, conmemoraremos o Día das Letras Galegas homenaxeando a Xosé Fernando Filgueira Valverde co obradoiro "Imos xogar con Xosé Filgueira Valverde!" a cargo de Patricia Martínez de EDUVIA. Esta actividade está dirixida a nenos e nenas de entre 4 e 12 anos e por medio dun dirvertido xogo por equipos, os participantes descubrirán a orixe e significado do Día das letras Galegas achegándose á obra do autor homenaxeado neste ano 2015. Actividade incluída no programa LER CONTA MOITO. 

    O venres 5 de Xuño, na Sala de Lectura, a partir das 11:00 horas contaremos con Leo Leíño e o seu espectáculo "Maxia cómica" dirixido a nenos e nenas de 3 anos en adiante. Unha actividade divertida e sorprendente contando historias unidas aos xogos. Actividade incluída no programa LER CONTA MOITO.


     VEN A BIBLIOPAZOS
    E
    PARTICIPA DAS ACTIVIDADES!

    BUSCAR NO BLOG


    gadgets para blogger