GALA DE ENTREGA DE PREMIOS DO "V CERTAME DE RELATO CURTO" DO CONCELLO DE PAZOS DE BORBÉN - (4) CATEGORÍA D: ALUMNADO DE 3º e 4º DE PRIMARIA

Participantes da Categoría D: Alumnado de 3º e 4º de Primaria cos membros do xurado e autoridades

Continuamos informando da Gala de entrega de premios do V CERTAME DE RELATO CURTO de Pazos de Borbén do martes 19 de decembro de 2023 no Auditorio do Concello de Pazos de Borbén, na que participaron os  presentados ao Certame; os mestres do CPI "Curros Enríquez" de Pazos; monitores e usuarios da Asociación ASPAVI; e tamén algúns veciños e veciñas.

O acto presidiuno o Alcalde-Presidente do Concello de Pazos de Borbén D. Xosé Luciano Otero Camiña e nel estiveron tamén presentes os concelleiros Dª Mª Victoria Couñago Corujeira e D. Ivan Martínez Ventín; a Deputada provincial Dª Mª Sandra Bastos Míguez; e os membros do xurado do Certame Dª Uxía Porrit Lueiro, Dª Andrea Barreira Freije; D. Miguel Anxo Alonso Diz; Dª Mª Isabel Lorenzo Castro, D. Manuel González Pastoriza e D. José Manuel Soto Virulegio.

Neste ocasión toca informar da entrega de premios aos participantes da:

CATEGORÍA D.- ALUMNADO DE 3º E 4º DE PRIMARIA:

O Primeiro premio foi para o traballo presentado baixo o título “DE CERO A DEZ” e o pseudónimo de “FELIPE”, presentado por ROI CAGIGAS BLANCO, de 8 anos, estudante de 3º de Primaria.

Para ver o traballo fai CLIC no título

A escritora e membro do xurado Dª Andrea Barreira Freije entrégalle o premio a Roi Cagigas Blanco

Segundo premio outorgado ao traballo presentado baixo o título “O ARMARIO ENCANTADO” e o pseudónimo de “FILIPINERO”, presentado por MANUEL AMOEDO FRAGUEIRO, de 8 anos, estudante de 3º de Primaria.

 Para ver o traballo fai CLIC no título

Manuel Amoedo Fragueiro recibe o premio que lle entrega o escritor e membro do xurado Miguel Anxo Alonso Diz

O xurado premiou con Accésits nesta categoría aos traballos seguintes: 

Traballo presentado baixo o título “O DEBUXO SEN COR” e o pseudónimo de “CORAZÓN”, presentado por ROSA VEIGA ARAUJO, de 8 anos, estudante de 3º de Primaria.

 Para ver o traballo fai CLIC no título

O Alcalde do Concello Xosé Luciano Otero Camiña entrégalle o premio a Rosa Veiga Araújo

Traballo presentado baixo o título “O LOBISHOME DE PAZOS” e o pseudónimo de “BELLINGHAM”, presentado por ASIER DA SILVA JUAN, de 9 anos, estudante de 4º de Primaria.

 Para ver o traballo fai CLIC no título

Asier Da Silva Juan recolle o premio entregado polo mestre do CPI "Curros Enríquez" e membro do xurado D. Manuel González Pastoriza

Finalizada a lectura dos premiados chamouse un por un ao resto de participantes non premiados nesta categoría para entregarlles o Diploma acreditativo da súa participación no certame e un libro de agasallo.

Entregouse tamén un lote de libros para as aulas de 3º e 4º de Primaria.

Recollendo os lotes de libros para as aulas de 3º e 4º de Primaria entregados por Dª. Uxía Porritt Lueiro

NOTA: O resto de datos e imaxes da entrega de premios aos gañadores e participantes desta e das restantes categorías serán publicadas en novas noticias que sairán nos próximos días.

Esta actividade enmárcase no programa de actividades de dinamización da Lingua Galega do ano 2023 "OBRADOIROS E CERTAME DE CREACIÓN LITERARIA" organizado pola Biblioteca Pública Municipal do Concello de Pazos de Borbén e que conta coa axuda e patrocinio o Departamento de Lingua da Deputación Provincial de Pontevedra.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA