"UNHA HISTORIA SEN FRONTEIRAS" 2º Premio da categoría D: 1º/2º da ESO "I CERTAME DE RELATO CURTO DE PAZOS DE BORBÉN"

Relato titulado "Unha historia sen fronteiras" de Uxía Cernadas Besadío - 12 anos - 1º de ESO.

Galardoado co 2º Premio da categoría D: 1º/2º de ESO.

Premiados da categoría D: 1º e 2º de ESO co Sr. Alcalde, a Concelleira de Cultura,
varios membros do xurado do certame, e o representante da
Fundación Filomena Rivero Alonso de Redondela

Un día no comedor, notei a Amina máis triste do normal, e decidín preguntarlle o que lle pasaba. Ela non me contestou, baixou a mirada e botouse a chorar. Nese momento oín como uns rapaces maiores se mofaban dela.

Cando os escoitei, lembreime do día que cheguei. Amina foi a persoa que me acolleu dende o primeiro momento, a que me ensinou todo o centro e sempre me apoiou, ao igual que eu a apoio a ela. Amina é unha rapaza moi enxeñosa e que ten un gran corazón, pero os outros rapaces discrimínana porque é árabe. A pobra pásao moi mal a conta diso e a min sábeme mal permitilo.

Cando se mofaron dela no comedor, botouse a chorar e a min entroume unha inmensa carraxe: unha mestura de rabia e impotencia por dentro. Déronme gañas de meterlles unhas labazadas a aqueles rapaces, pero no fondo sabía que non podía.

Non lles peguei, pero díxenlles unhas cantas palabras. Collín da man a Amina e díxenlle:

"- Amina, queda tranquila e non lles fagas caso, non son máis que uns catetos ignorantes."

Logo dirixinme aos outros rapaces:

"- En canto a vós, non tendes nada mellor que facer, máis que insultar e mofarvos dunha rapaza inocente e marabillosa como é Amina? Metédevos con xente da vosa idade e nós deixádenos en paz." Amina e eu marchamos para o noso cuarto.

Ninguén se volveu a meter con ela, e as dúas somos inseparables, cada unha coas nosas ideas, virtudes e defectos, sen raza, sen xénero e sen nada polo que preocuparnos.

FIN.