Compostela
Texto e ilustracións:DAVID PINTOR
1ª edición, decembro 2010
Idade recomendada: Todas as idades
…Saia da casa, achéguese a esa acolledora cafetaría que tanto lle gusta. Pida un café ben quente, e mentres agarda a que llo sirvan, mire a través da ventá a fermosa paisaxe que se amosa. Fóra vai frío, pero dentro do local a temperatura é moi agradable. No ambiente déixase oír Estate na versión de Eliane Elías… O café xa está aquí, co seu aroma que aboia en cada recuncho. Agora si.
“…Pintor non se limita a retratar a cidade tal como é, senón que introduce elementos propios do realismo máxico, que permiten fantasiar e imaxinar outra cidade”. Xesús Fraga (La Voz de Galicia)
“…Non son as tradicionais postais, nen debuxos para sair do paso. Non hai topicazo, a chuvia, a catedral ou o pelegrín. O que hai son pequenos anacos da vida diaria (Mazarelos, Bonaval, a Igrexa da Universidade…) da paisaxe urbao, dunha bela cidade”. Rubén Santamarta (Bdteca).
David Pintor comparte neste caderno de viaxe a súa visión máis persoal dunha das cidades históricas máis fermosas, acolledoras e entrañables, xa non só de Galicia ou de España, senón acaso do mundo enteiro. Coas súas peculiaridades, cos seus contrastes, coas súas sorpresas. Unha bici como medio de locomoción, unha libreta e un rotulador como medio de expresión, e un bo café como incentivo para cada paseo, son os fíos condutores deste libro de artista.
A través das súas páxinas, con máis de 30 ilustracións, percorremos a xeografía da cidade: dende os edificios máis antigos ata os máis modernos; prazas, rúas e espazos naturais; recunchos singulares e de visita obrigada… nos que abundan os elementos imaxinarios.
Sentimos o paso devagar do tempo, das nubes, da chuvia ou do sol. E así, os trazos e cores deste caderno son unha invitación a ver a cidade con outros ollos; ou a coñecer Compostela, a lembrala e, por suposto, a volver.
Temática: caderno de viaxe.
A través das súas páxinas, con máis de 30 ilustracións, percorremos a xeografía da cidade: dende os edificios máis antigos ata os máis modernos; prazas, rúas e espazos naturais; recunchos singulares e de visita obrigada… nos que abundan os elementos imaxinarios.
Sentimos o paso devagar do tempo, das nubes, da chuvia ou do sol. E así, os trazos e cores deste caderno son unha invitación a ver a cidade con outros ollos; ou a coñecer Compostela, a lembrala e, por suposto, a volver.
Temática: caderno de viaxe.
Aspectos destacables: percorrido visual por distintos espazos da cidade de Santiago de Compostela, con máis de 30 ilustracións.
Aplicacións: Historia de Compostela, Turismo, Cultura.Encadernado en cartoné. 25 x 17 cm.
64 páxinas a toda cor.
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.