"A FLOR DA FADA ESMERALDA" - Accésit da categoría D: 1º e 2º de ESO - II CERTAME DE RELATO CURTO DE PAZOS DE BORBÉN

Participantes e premiados da categoría D: 1º e 2º de ESO
II CERTAME DE RELATO CURTO DE PAZOS DE BORBÉN (2019)

Relato galardoado cun accésit na categoría D: 1º e 2º de ESO.

"A FLOR DA FADA ESMERALDA" de NEREA CARIDE GONZÁLEZ - 12 anos - 1º de ESO.

Cando as ras tiñan ás e as galiñas catro patas, unha fada chamada Esmeralda estaba a chorar porque a súa flor deixara de brillar. Entón foi xunto a súa nai Rita, explicoulle o que lle pasaba e tamén lle contou o que facía antes de que a flor deixara de brillar.

"-Eu ía toda contenta xunto a miña amiga pitufa Judith, coa miña flor, claro. Puxémonos a xogar eu coa miña flor e ela coa súa seta, alí a flor aínda brillaba. Despois escoitamos uns ruídos raros detrás dos arbustos e deles saíron uns raios dourados. Asustámonos e saímos correndo ata a casa de Judith, pero ao chegar a miña flor xa non brillaba".

Esmeralda non paraba de chorar. Entre que xa estaba cansa e que a súa flor non volvera brillar, marchou directa para a súa cama.

Mentres Esmeralda durmía, a nai dela estivo pensando un plan.

Rita foi contarllo, pero ao chegar cara a habitación, ela... Xa non estaba!!!!

Buscárona por todo o reino pero non aparecía. A nai mandou aFilipe, o guardia que fora fuscala.

Este puxo rumbo na busca de Esmeralda.

A el ocorréuselle ir buscala á aldea dos pitufos. E así foi.

Cando chegou viu a Esmeralda preto da súa amiga Judith, quedou abraiado.

Filipe preguntoulle a ela que facía alí, todo o reino estaba buscándoa. Ela respondeu:

-Quixen estar coa miña amiga Judith. E ti, que fas aquí?

El respondeu:

-A túa nai díxome que fora buscarte. Que vos parece se vamos os tres a buscar a resposta de por que a túa flor deixou de brillar?

-Entón esmeralda e Judith berraron xuntas:

-Vamos, veña!!

Entón a Judith ocorréuselle buscar no castelo embruxado da bruxa María. Filipe dixo que si e Esmeralda tamén. E alí foron os tres.

Para chegar tiñan que pasar por un pantano de crocodilos, polo reino dos dragóns e por último pola selva das serpes.

Chegaron ao castelo sans e salvos.

Filipe mirou por unha ventá e alí estaba a bruxa María cunha flor morta.

Esmeralda chegou á conclusión de que fora a bruxa a que lle quitara o brillo da flor para revivir a outra planta. En concreto, unha velenosa chamada "Plactis Venenis".

Por que esa flor? Porque a bruxa María quería envelenar á raíña fada, a nai de Esmeralda.

Filipe saltou pola ventá mentres que Esmeralda e Judith entraron pola porta.

El agarrou á bruxa María mentres berraba:

-Correde rapazas, collede un frasco e botade o brillo da flor nel.

E a bruxa dixo:

-Noooon, ese brillo é meu.

E Esmeralda respondeu:

-Non, ese é o brillo da miña flor. E polo tanto, vouno levar.

Judith dixo:

-Filipe xa temos o líquido.

El contestou:

-Perfecto, correde ata o reino. Eu encárgome da bruxa.

Esmeralda e Judith votaron a correr co frasco.

Filipe meteu á bruxa nunha cámara escura, pechouna e votou a correr. Cando chegou ao reino das fadas, Esmeralda e Judith xa estaban alí.

Esmeralda botoulle o brilla a súa flor, todos estaban moi contentos e viviron felices.

Aquí acabou o conto, como mo contaron, cho conto.