DE PAPOULAS E DESTRUCIÓN - Poesía Galega

De papoulas e destrución

Varios autores

Edita: Fundación Rosalía de Castro 

A Fundación Rosalía de Castro e El Corte Inglés presentaran en abril deste ano o II CONCURSO ESCOLAR DE POESÍA para o alumnado de Secundaria e Bacharelato que na súa anterior edición acadara a participación de máis de 200 alumnos e alumnas de toda Galicia.

O concurso establecía tres niveis de participación: 1º ciclo da ESO (1º e 2º), 2º ciclo da ESO (3º e 4º) e Bacharelato. As obras debían ser orixinais e inéditas, estar redactadas en lingua galega, e a súa extensión máxima non podía exceder dos 50 versos.

Logo da xuntanza do xurado as afortunadas e o afortunado premiados foron: Andrés Fernández (Lugo), Laura Espiño (A Estrada) e Paula Antía Rey (Padrón).

Velaquí a listaxe completa de premiados:

Categoría 1º ciclo da ESO
Gañador: Andrés Fernández, Seminario Diocesano, Lugo (“Por sentarme ó revés”)
1º áccesit: Elena Sotelo Prol, Colexio Peleteiro, Ames (“Esperando o tren”)
2º áccesit: Andrea Insua Ramos, IES Terra do Xallas, Santa Comba (“Metrópole”)

Categoría 2º ciclo da ESO
Gañadora: Laura Espiño dos Santos, Riobó, A Estrada (“Nada”)
1º áccesit: Elena Fernández Troncoso, IES Pino Manso, O Porriño (“Sonata para Tzara”)
2º áccesit: Xesús Conde García, IES Pino Manso, O Porriño (“A persistencia da memoria”)

Categoría Bacharelato
Gañadora: Paula Antía Rey Valiña, IES Macías O Namorado, Padrón (“Crónica codificada da estancia”)
1º áccesit: Marcela Porto Mato, Codeseda, A Estrada (“Anatomía dun presente”)
2º áccesit: Sabela Rodríguez Reino, Calasancias, A Coruña (“Tempus fugit”)

Os premios foron entregados o venres día 20 de xuño na Casa-Museo de Rosalía en Padrón e este libro e froito dos resultados desta concurso. 

Na categoría de Primeiro Ciclo da ESO (1º e 2º) participou tamén a nosa amiga e socia de BIBLIOPAZOS Alessandra Pereira Hermida que tivo o detalle de agasallarnos cun exemplar de este libro. Podedes visitar o seu blog "El Sueño de Aly" clicando no seu nome. 

Esperamos que este libro sexa do voso agrado e dende BIBLIOPAZOS lle desexamos a Alessandra moitos éxitos futuros na poesía e na literatura.

Formato: 21 x 15 cm

Encuadernación: Tapa dura con solapas

Nº de páxinas: 53