A TORRE DAS LAVERCAS - Literatura Infantil

 

A Torre das Lavercas

Autor:Daniel Ameixeiro 

Ilustracións:Irene Fra Gálvez 

Edicións Xerais de Galicia S.A., 2012 

Colección Merlín marelo 

 

Idade recomendada: De 11 anos en diante

 

A Torre das Lavercas era unha casa cunha cheminea moi grande e papá puxéralle ese nome porque había moitos niños de lavercas nos arredores.

 

Eu tiña seis anos cando marcharamos dela, e dende aquela xa cambiaramos de casa outra vez máis.

 

Agora estábamos a recoller as cousas para outro novo cambio, iamos a outro barrio da cidade. Xa na nova casa, o meu pensamento aquela primeira noite ía unha e outra vez á Torre das Lavercas; necesitaba volver, era coma se nela houbese algo importante para min. Ao final meu pai levoume ata a Torre.

 

O meu cuarto seguía igual, pero algo xurdiu en min, supoño que había dores que levaba moi dentro e que necesitaba botar fóra, e comecei a chorar. Foi entón cando escoitei aquela voz: —Por favor, non chores. Un calafrío percorreu o meu corpo.

 

13,5 x 19 cm

Rústica cosido a fío

208 Páxinas 

ISBN: 978-84-9914-343-9