Pétala
Texto de Pep Bruno
Ilustracións de Luciano Lozano
Tradución do castelán de Eva Mejuto
OQO Editora, marzo 2008
+ de 3 anos
Un día Pétala vai regar as plantas e descobre que non hai auga.
Disposta a coñecer o motivo, voa ata as nubes e atopa un tremendo dragón
que se apoderou da casa da chuvia…
Pétala é un álbum moi visual que ao fío da acción e desde unha
perspectiva fantástica, trata transversalmente o problema da escaseza de
auga, un recurso esencial para a vida e a conservación do medio. Coa
lectura podemos transmitir os valores necesarios para fomentar a
conciencia medioambiental e reflexionar sobre a necesidade de coidar o
planeta. Alén diso, en concreto, a literatura infantil reforza a
asociación simbólica con determinados significados e facilita a
asimilación da realidade externa.
A lectura deste conto pode constituír unha boa estratexia para
estimular a conciencia medioambiental na infancia, porque no lector se
xera de maneira natural un novo concepto da importancia da auga, despois
da experiencia co álbum.
Finalmente, Pétala convertida en narradora, contará a súa aventura, e
revelaranos a todos un segredo: os dragóns, por feroces e monstruosos
que parezan, tamén teñen medo.
Pep Bruno para desenvolver a idea orixinal do ilustrador, Luciano
Lozano, constrúe un texto sinxelo, con poucas frases e acontecementos
ben dosados. A súa historia anima os máis pequenos a tomaren partido
activo, sen se acovardaren ante os problemas. Só así avanzarán no camiño
dos bos hábitos, da independencia e a seguridade.
978-84-9871-031-1
36 páxs.
Cartoné
25 x 23 cm
Faite socio de BIBLIOPAZOS e lévao para ler na túa casa
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.